CƏMİYYƏT
Cəmiyyətin həyatında baş verən aktual hadisələr

Çoxmərtəbəli yaşayış binasında çökmə başlayıb

© Sputnik / Irade JELILSəbail rayonu, Bayıl yaşayış sahəsi, Buxta küçəsində çökmə hadisəsi
Səbail rayonu, Bayıl yaşayış sahəsi, Buxta küçəsində çökmə hadisəsi - Sputnik Azərbaycan
Abunə olmaq
Bitişik binanın sütun arası 10-15 santimetr çöküb

BAKI, 21 may — Sputnik. Bayıl yamacında Buxta küçəsi, 9 ünvanındakı sürüşmə ərazisinə 11 mayak quraşdırılıb.

Sputnik Azərbaycan xəbər verir ki, bunu Ekologiya və Təbii Sərvətlər Nazirliyinin Milli Geoloji Kəşfiyyat Xidməti Geoloji Planlama Ekspedisiyasının rəisi Əziz Qaralov deyib.

O, bildirib ki, Buxta küçəsi, 9 ünvanında sürüşmə ərazisində İbrahim Məmmədov, 2-A küçəsində yerləşən binanın sütununda çatlar əmələ gəlib: “Ərazidə 16 mərtəbəli binaya bitişik bina tikilib. Həmin binanın sütunun birində çökmə müşahidə edilib. Bitişik binanın sütun arası 10-15 santimetr çöküb”.

Ə. Qaralov qeyd edib ki, ərazinin müxtəlif hissələrində quraşdırılan mayaklar vasitəsilə sürüşmə sahəsində dəyişikliklərin olub-olmadığı müəyyənləşdiriləcək.

Qeyd edək ki, Bayıl yamacında — “Buxta 9” ünvanında yerləşən yaşayış binalarında sürüşmə-çökmə prosesləri mayın 3-də başlayıb, mayın 14-15-də isə proses artıq fəallaşıb. Nəticədə 3-4 bina tamamilə dağılıb, 20 ev isə təhlükə zonasında yerləşir.

Xəbər lenti
0