16:44 18 Oktyabr 2018
Canlı yayım
  • RUB0.0259
  • USD1.7000
  • EUR1.9550
Люди на Бакинском приморском парке

Gələn ay 5 gün iş olmayacaq

© Sputnik / Murad Orujov
CƏMİYYƏT
Qısa URL
68820

İyunun 26-da Silahlı Qüvvələr Günü kimi qeyd edildiyindən həmin gün də iş günü hesab edilməyəcək

BAKI, 17 may — Sputnik. Ramazan və Qurtuluş Günü eyni günə təsadüf etdiyindən iyun ayında Azərbaycanda 5 gün iş günü olmayacaq. Bu barədə Sputnik Azərbaycan-a Nazirlər Kabinetinin mətbuat xidmətinin rəhbəri Akif Əli məlumat verib. O, bildirib ki, iyunun 15-də ölkədə Milli Qurtuluş Günü, iyunun 15 və 16-sında isə Ramazan bayramı qeyd ediləcək.

"Lakin Milli Qurtuluş Günü və Ramazan bayramının üst-üstə düşməsi, eləcə də bayram günlərindən birinin, yəni iyunun 16-sının həftələrarası istirahət gününə (şənbə gününə) düşməsi ilə əlaqədar ölkədəki qeyri-iş günlərinin tarixlərində dəyişiklik edilib".

Qeyd edək ki, Əmək Məcəlləsinin 105-ci maddəsinin 5-ci və 6-cı hissələrinə və Nazirlər Kabinetinin "2018-ci ildə Novruz, Ramazan, Qurban bayramları haqqında" 2017-ci il 6 dekabr tarixli 540 nömrəli qərarına əsasən, 2018-ci ildə həftələrarası istirahət günlərinin iş günləri hesab olunmayan bayram günləri və Ramazan bayramının bir gününün Milli Qurtuluş Günü ilə üst-üstə düşməsi ilə əlaqədar olaraq, 18,19 iyun tarixləri istirahət günləri sayılacaq.

Beləliklə, bazar günü də nəzərə alınarsa, iyunun 15,16, 17, 18 və 19-u ölkədə qeyri-iş günü, iyunun 20-si iş günü olacaq.

Qeyd edək ki, iyunun 26-da Silahlı Qüvvələr Günü kimi qeyd edildiyindən həmin gün də iş günü hesab edilməyəcək.

Əlaqədar

İş yerini dəyişdirmək istəyən müəllimlər üçün yeni xəbər
Həftənin bu günü qeyri-iş günüdür
Yeni iş həftəsində yeni rəsmi məzənnələr bəlli oldu
Azərbaycan bankları gücləndirilmiş iş rejiminə keçir

Əsas mövzular