CƏMİYYƏT
Cəmiyyətin həyatında baş verən aktual hadisələr

Nazirlik bələdiyyə sədrini cərimələdi

© Sputnik / Rahim ZakiroğluƏraziyə atılan zibillər sahildə bir yerə toplandı və daha sonra tullantı daşıyan maşınlar vasitəsi ilə ərazidən aparıldı
Əraziyə atılan zibillər sahildə bir yerə toplandı və daha sonra tullantı daşıyan maşınlar vasitəsi ilə ərazidən aparıldı - Sputnik Azərbaycan
Abunə olmaq
Tullantıların ərazidən təmizlənməsi üçün bələdiyyə sədrinə icrası məcburi olan müddətli "məcburi göstəriş" verilib

BAKI, 10 may — Sputnik. Ekologiya və Təbii Sərvətlər Nazirliyinin "Qaynar xətt"inə Elsevər Əzizov tərəfindən Kürdəmir rayonu Sığırlı kəndi ərazisində tullantıların qalaqlanması ilə bağlı daxil olan şikayət nazirliyin əməkdaşları tərəfindən araşdırılıb.

Bu barədə Sputnik Azərbaycan-a Ekologiya və Təbii Sərvətlər Nazirliyinin mətbuat xidmətindən məlumat verilib. Bildirilib ki, araşdırma zamanı məişət tullantılarının sözügedən əraziyə qeyri-mütəşəkkil atıldığı və qanunvericiliyə uyğun idarə edilmədiyi aşkar edilib.

Faktla bağlı Sığırlı bələdiyyəsinin sədri Saleh Ağamalıyev barəsində protokol tərtib edilib və o, İnzibati Xətalar Məcəlləsinə əsasən vəzifəli şəxs qismində 3000 manat məbləğində cərimə olunub.

Tullantıların ərazidən təmizlənməsi üçün bələdiyyə sədrinə icrası məcburi olan müddətli "məcburi göstəriş" verilib.

Xəbər lenti
0