CƏMİYYƏT
Cəmiyyətin həyatında baş verən aktual hadisələr

Onun ürəyi Qarabağın "Fəryad"ına dözmədi

© Photo : "Aşkarfilm" Şirkəti / 1993Ceyhun Mirzəyev "Fəryad" filmində
Ceyhun Mirzəyev Fəryad filmində - Sputnik Azərbaycan
Abunə olmaq
Ceyhun Mirzəyevin son filmi "Fəryad" olub. Özü bu filmini görə bilmədi.

BAKI, 9 aprel — Sputnik. Bu gün daha çox "Ögey ana" və "Fəryad" filmlərindəki İsmayıl obrazı ilə yaddaşlarda dərin iz buraxan əvəzedilməz kino aktyoru Ceyhun Mirzəyevin doğum günüdür.

O, 9 aprel 1946-cı ildə Bakıda doğulub. Amma əsli Ağdamın Abdal-Gülablı kəndindəndir. Azərbaycan Dövlət İncəsənət İnstitutunun rejissorluq fakültəsini bitirib. Moskvada da təhsil alıb. Onun 48 illik ömrünün 35 ilə yaxını kino ilə bağlı olub. Çünki "Görüş" filmində Şıxəlinin oğlunun obrazını yaradanda cəmi 11 yaşı var idi. On iki yaşı olanda isə "Ögey ana"ya dəvət almışdı.

Kloun - Sputnik Azərbaycan
CƏMİYYƏT
Aktyor: "Bəziləri kloun olmaqdan utanır"

Ceyhun Mirzəyev kinostudiyada müxtəlif peşələrdə çalışıb. Assistent də olub, rejissor köməkçisi də işləyib, aktyorluq da edib, üstəlik rejissor kimi filmlər də çəkib. "Mozalan" satirik kinojurnalı üçün süjetlər çəkib. "Mozalan"ın bədii rəhbəri olub.

Ceyhun Mirzəyev həm də güclü parodiyaçılıq qabiliyyətinə malik olub. Belə ki, o, bir dəfə söhbət etdiyi adamın səsini, danışıq formasını o dəqiqə yamsılamağı bacarırmış. Hətta "Mozalan"ın başlığında səslənən vızıltı səsi də ona məxsus olub.

Ceyhun Mirzəyevin son filmi "Fəryad" olub. Özü bu filmini görə bilmədi. Amansız ölüm ona imkan vermədi ki, heç olmasa filmin premyerasında iştirak etsin. Studiyada çəkiliş vaxtı özünü pis his edən Ceyhun evə güclə çatdırıldı. Ceyhun Mirzəyev 1993-cü ildə vəfat edib. Yasamal qəbiristanlığında torpağa tapşırılıb.

Fəryad filminə görə "Bakılı" cəmiyyətinin "Humay" mükafatına layiq görülüb.

Xəbər lenti
0