CƏMİYYƏT
Cəmiyyətin həyatında baş verən aktual hadisələr

Bakıda pravoslavlar Pasxa bayramını qeyd edir

© Sputnik / Murad OrujovПасхальная ночь и крестный ход в Баку
Пасхальная ночь и крестный ход в Баку - Sputnik Azərbaycan
Abunə olmaq
İsa peyğəmbərin Dirildiyi Müqəddəs Gün isə hamı pasxa süfrəsi arxasında əyləşir, bir-birini pasxa və kuliçə qonaq edir, yumurta döyüşdürür və bir-birini "İsa Dirildi!" kəlməsi ilə salamlayır

BAKI, 8 aprel — Sputnik. Bakıdakı "Jen Mironosits" pravoslav kafedral kilsəsində xristianların müqəddəs Pasxa bayramı qeyd edilir.

Sputnik Azərbaycan AZƏRTAC-a istinadla xəbər verir ki, Bakı pravoslavları bu kilsəyə bayram ibadəti keçirməyə toplaşıblar. Onlar müqəddəs dini nəğmələrə qulaq asır, şamlar düzürlər.

Qəbələ rayonunun Nic qəsəbəsində Pasxa bayramı - Sputnik Azərbaycan
CƏMİYYƏT
Azərbaycan xristianlarının özünəməxsus "Pasxa" ənənələri

Rus Pravoslav Kilsəsinin Bakı və Azərbaycan Yeparxiyasının arxiyepiskopu Aleksandr Ata jurnalistlərə müsahibəsində deyib ki, aprelin 8-də xristianlar özlərinin müqəddəs bayramı olan Pasxa bayramını qeyd edirlər. Bu bayram xristianların ən böyük bayramıdır. Bütün dünyada olduğu kimi, Azərbaycanda yaşayan xristianlar da bu müqəddəs bayramı tənənə ilə qeyd edirlər. Prezident İlham Əliyev Azərbaycanın bütün pravoslav xristian icmasını bayram münasibətilə təbrik etdi, ən səmimi arzu və diləklərini çatdırdı.

Qeyd edək ki, Pasxa xristianların ən qədim, mühüm və sevimli bayramlarından biridir. Müqəddəs Pasxa Günü — İsa Məsihin Dirilməsi bayramı bu il pravoslav təqvimi ilə aprelin 8-də qeyd edilir. Ənənəyə görə, dindarlar cümə axşamı səhər kuliç bişirir, axşam pasxa hazırlayır, şənbə günü onları kilsəyə aparır, şənbə günündən bazar gününə keçən gecə isə Pasxanın və İsanın Dirilməsi bayramının başlanmasını bildirən Xaç yürüşü edirlər.

İsa peyğəmbərin Dirildiyi Müqəddəs Gün isə hamı pasxa süfrəsi arxasında əyləşir, bir-birini pasxa və kuliçə qonaq edir, yumurta döyüşdürür və bir-birini "İsa Dirildi!" kəlməsi ilə salamlayır.

Xəbər lenti
0