BAKI, 6 mart — Sputnik. Miss & Mister Grand Azerbaijan milli gözəllik müsabiqəsinin açılışı martın 11-də Elite Events Hall-da olacaq.
Layihə təşkilatçılarının Sputnik Azərbaycan-a verdikləri məlumata görə, iki kastinq nəticəsində seçilmiş 20 qız və 20 oğlan ilk dəfə açılış günü tamaşaçıların qarşısına çıxacaq.
İştirakçıları dəstələmək üçün qonaqlara möhtəşəm şou, modellərin iştirakı ilə dəfilə və məşhur müğənnilərin çıxışları təqdim olunacaq. Layihənin qaliblərini ölkənin populyar şəxslərindən ibarət münsiflər heyətinin üzvləri seçəcək.
Qeyd edək ki, Miss & Mister Grand Azerbaijan müsabiqəsinin ilkin kastinqi fevralın 17-də keçirilib. Kastinqdə 100-dən çox qız və oğlan iştirak edib ki, onların da yalnız yarısı ikinci tura keçib.
Bu layihənin digər gözəllik müsabiqələrindən fərqi odur ki, burada hansısa titulun sahibi olan deyil, yalnız yeni başlayan modellərin iştirak etmək hüququ var. Birinci turda iştirak tamamilə pulsuzdur. Hər iki kastinqdən sonra münsiflər heyəti 20 qız və 20 oğlan seçməlidir. Onlar müsabiqənin finalına keçəcək və bahalı hədiyyələrin sahibi olacaqlar.
Biletlərin qiyməti 15 manatdır. Sorğu üçün telefon: (+994) 55-408-46-80.
Sputnik Azərbaycan Miss & Mister Grand Azerbaijan-ın informasiya tərəfdaşıdır.
