CƏMİYYƏT
Cəmiyyətin həyatında baş verən aktual hadisələr

Salyanda polis postuna silahlı hücum edildi

© Sputnik / Murad OrujovPost Patrul Xidmətinin avtomobilləri, arxiv şəkli
Post Patrul Xidmətinin avtomobilləri, arxiv şəkli - Sputnik Azərbaycan
Abunə olmaq
Bağırov Orxan Cahangir oğlu DYP postuna gələrək silahdan atəş açıb

BAKI, 2 mart — Sputnik. Salyan rayonunda Dövlət Yol Polisi (DYP) postuna silahlı hücum olub.

Sputnik Azərbaycan “Report”a istinadla xəbər verir ki, hadisə Ələt-Astara magistral yolunda rayon ərazisindəki DYP postunda qeydə alınıb.

Salyan şəhər Cəfər Cabbarlı küçəsində yaşayan 1988-ci il təvəllüdlü Bağırov Orxan Cahangir oğlu DYP postuna gələrək silahdan atəş açıb. Sonra özünə məxsus minik avtomobili ilə hadisə yerindən uzaqlaşıb. Salyan şəhərində isə ona yol polisləri tərəfindən “saxla” işarəsi verilsə də o, buna məhəl qoymayıb və maşınla Kürsəngi kənd sakini, polis əməkdaşı 1982-ci il təvvəllüdlü Dəmirov Raqib Həmdulla oğluna xəsarət yetirib. Nəhayət həmin şəxs polis əməkdaşları tərəfindən saxlanılaraq şöbəyə gətirilib.

İlkin məlumata görə, ötən gün DYP əməkdaşları tərəfindən yol hərəkəti qaydalarını pozduğuna görə o, inzibati qaydada cərimələnib. Buna görə Orxan Bağırovun hadisə törətdiyi ehtimal olunur.

Faktla bağlı araşdırma aparılır.

Xəbər lenti
0