Rahim Zakiroğlu, Sputnik Azərbaycan
BAKI, 5 fevral — Sputnik. Astarada Təngərüd kəndi ərazisində avtomobil qəzası baş verib. Sputnik Azərbaycan-ın bölgə müxbirinin verdiyi məlumata görə, sərnişin daşıyan "Ford" markalı mikroavtobusla "VAZ-2107" markalı minik avtomobili toqquşub.
Qəza nəticəsində "VAZ-2107" markalı minik avtomobilinin sürücüsü 1996-cı il təvəllüdlü Məlikov Adil Tərhəm oğlu ağır xəsarət alıb. Xəsarət alan A.Məlikov dərhal Lənkəran Rayon Mərkəzi Xəstəxanasına çatdırılıb. Xəstəxanadan verilən məlumata əsasən, A.Məlikovun vəziyyəti ağır qiymətləndirilir.
Baş vermis qəza ilə bağlı araşdırmalar aparılır.
