BAKI, 22 yanvar — Sputnik. Azərbaycanlı aktyor Kamran Ağabalayev rejissorluq edərək çəkdiyi filmi sosial şəbəkələrdə yayımlayıb.
4 dəqiqəlik film haqqında Sputnik Azərbaycan-a açıqlama verən aktyor deyib ki, qısa bir filmin 4 dəqiqəsində ağrımızı, acımızı, başımıza gələnləri göstərməyə çalışıb: “Filmi yalnız sosial şəbəkələrdə paylaşacağıq. Məqsəd isə 20 yanvar şəhidlərini, 26 fevral soyqırım şəhidlərini yad etmək, gənc nəsillərə yaxın keçmişimizi bir daha xatırlatmaqdır. "Biz tariximizi, şəhidlərimizi unutmuruq" mesajını cəmiyyətə vermək istəyirik”.
