02:46 28 Noyabr 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
125101

İsti toyuq bulyonu nəfəs yollarına çox müsbət təsir edir

BAKI, 19 yanvar — Sputnik. İlk növbədə nəzərinizə çatdıraq ki, söhbət, təbii ki, kənd toyuğundan (broyler toyuğundan deyil!) bişirilmiş bulyondan gedir. Belə bulyonu əsl dərman adlandırmaq olar.

Sputnik Azərbaycan saglamolun.az-a istinadən xəbər verir ki, Amerika alimləri araşdırma zamanı onun tərkibində güclü antioksidant olan "karnozin" aşkar ediblər. Karnozin insanın immun sistemini gücləndirir, iltihabı azaldır, soyuqdəymə və qrip nəticəsində orqanizmdə əmələ gələn toksinləri neytrallaşdırır və bununla da intoksikasiyanın simptomarını (baş, əzələ, oynaq ağrıları) azaldır, xəstənin vəziyyətini yüngülləşdirir.

Digər tərəfdən, karnozin orqanizmdə qocalma proseslərini ləngidir, orqanizmi cavanlaşdırır.

Toyuq bulyonunun tərkibində olan "sistein" aminoturşusu bəlğəmin durulaşmasına və orqanizmdən daha asan çıxmasına kömək edir.

İsti toyuq bulyonu nəfəs yollarına çox müsbət təsir edir — bronxların keçiriciliyini yaxşılaşdırır, öskürəyin və zökəmin müalicəsində kömək edir, nəfəsalmanı asanlaşdırır, boğaz ağrısını azaldır.

Mütəxəssislər ikinci dəfə bişirilmiş toyuq bulyonundan istifadə etməyi tövsiyə edirlər. Yəni ilk dəfə qaynadıqdan sonra suyu atılır, toyuq ətinin üzərinə təzə su tökülür və bulyon bişirilir. İlk toyuq bulyonunda çoxlu ekstraktiv maddələr var ki, bu maddələr bir çox xəstəliklər zamanı (podaqra, böyrək, qaraciyər, öd kisəsi və öd yolları, şəkərli diabet və s.) ziyanlıdır.

Əlaqədar

Yeməyi sürətlə yemək qida borusu xərçənginə səbəb olur
Bu qidaları yemək olmaz!
Gürzə — qorxunc adlı dadlı yemək
Hər gün bu meyvəni yemək üçün yeddi səbəb var
Onu yemək bişirəndə taxmayın, gözünüz alışıb yana bilər
Teqlər:
bulyon, qocalma, xeyir, toyuq

Əsas mövzular