10:23 07 İyul 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
65 0 0

Bu gün səhər saatlarından Xüsusi Riskli Xilasetmə Xidmətinin əlavə 10 nəfər dağ-xilasedicisi axtarışlara cəlb olunub

BAKI, 29 dekabr — Sputnik. Dekabrın 23-də Quba rayonunun Xınalıq kəndindən Tufandağ istiqamətində yürüşə çıxmış "Gilavar" — hava və ekstrim idman klubunun üzvləri Cəbrayılzadə Fəridə Zəbiyulla qızı, Hüseynov Babur Vaqif oğlu və Bünyatzadə Namin Nizami oğlunun axtarışları bu gün də davam etdirilib. Bu barədə Sputnik Azərbaycan-a Fövqəladə Halalr Nazirliyindən məlumat verilib.

Nazirliyinin Aviasiya dəstəsinin "Mi-17" markalı helikopteri, Şimal Regional Mərkəzinin axtarış-xilasetmə qrupu, Xüsusi Riskli Xilasetmə Xidmətinin dağ-xilasetmə dəstəsi və xüsusi təlim keçmiş itlər, peşəkar alpinistlərdən ibarət könüllü dəstə axtarışlarda iştirak edir. Qeyd edək ki, bu gün səhər saatlarından Xüsusi Riskli Xilasetmə Xidmətinin əlavə 10 nəfər dağ-xilasedicisi axtarışlara cəlb olunub.

Amma təəssüf olsun ki, onlardan hələ də heç bir xəbər yoxdur…

İtkin düşmüş alpinistlərin dostları müxtəlif versiyalar irəli sürürlər. Bəziləri havalar isti olduğu üçün onların qar uçqununun altında qaldığını, digərləri isə onların soyuğa tab gətirmədiklərini düşünürlər.

Qeyd edək ki, alpinistlərin getdiyi istiqamətdə 3 zirvə var. Onlardan ən hündürü "Tufan" zirvəsidir. Məlumata görə, onların itkin düşməsinin səbəbi ən çətin xətt olan 3 B marşrutu üzrə hərəkət etmələridir.

"Qışda ora gedən adam diqqətli olmalıdır. Birinci təhlükə qar uçqunun olmasıdır. Sonra o dağda çatlar və çox möhkəm buz qatı olur. Əgər lazımı ləvazimatlar yoxdursa, ora getmək çətindir. Donvurma da ola bilər. Ora şimal tərəfdir. Gün şüalarının az düşdüyü yerdir" – deyə sosial şəbəkədə müzakirələr aparılıb.

Əlaqədar

İtkin düşmüş alpinistləri axtaran qrup xəbər paylaşıb
İtkin düşən alpinistlərdən ümidverici xəbər - VİDEO
İtkin düşmüş alpinistlərin axtarışları ilə bağlı rəsmi məlumat yayıldı
İtkin düşmüş alpinistlərdən xəbər var
İtkin düşmüş alpinistlərin başına nə gəlib - Son xəbər
Teqlər:
Tufandağ, xilasedicilər, alpinist, axtarış, itkin

Əsas mövzular