CƏMİYYƏT
Cəmiyyətin həyatında baş verən aktual hadisələr

Bakıda partlayış: divarlar, arakəsmələr, qapı və pəncərələr dağıldı

CC0 / MAKY_OREL / Broken glassSınmış pəncərə şüşəsi, arxiv şəkli
Sınmış pəncərə şüşəsi, arxiv şəkli - Sputnik Azərbaycan
Abunə olmaq
20 nəfər bina sakini əraziyə cəlb olunmuş yanğınsöndürənlər tərəfindən təxliyə olunub

BAKI, 23 dekabr — Sputnik. Bakı şəhəri Suraxanı rayonu Əmircan qəsəbəsində ikimərtəbəli çoxmənzilli yaşayış binasının 2-ci mərtəbəsində yerləşən mənzillərdən birinin mətbəxində məişət qazının sızması nəticəsində partlayış baş verib.

Sputnik Azərbaycan FHN-in rəsmi saytına istinadən xəbər verir ki, partlayışdan sonra yanğın olmayıb. Nəticədə, mənzilin arakəsmə və xarici divarları, pəncərə və qapı çərçivələri qismən dağılıb.

Partlayış zamanı ev sahibi, 1962-ci il təvəllüdlü Musayev Fərhad Musa oğlu xəsarətlər alıb. Ona Bakı şəhəri Təcili və Təxirəsalınmaz Tibbi Yardım Stansiyasının əməkdaşları tərəfindən hadisə yerində ilkin tibbi yardım göstərilib.

20 nəfər bina sakini əraziyə cəlb olunmuş yanğınsöndürənlər tərəfindən təxliyə olunub.

Xəbər lenti
0