15:46 18 Yanvar 2021
Canlı yayım
  • USD1.7000
  • RUB0.0231
  • EUR2.0516
CƏMİYYƏT
Qısa URL
741 0 0

Arif Ramazanov: "Saatlarla quşların, böcəklərin və həşəratların səslərinə qulaq asırdım"

Leyla Abdullayeva, Sputnik Azərbaycan

BAKI, 30 noyabr — Sputnik. Azərbaycanda qeyri-adi bacarığa malik olan müxtəlif insanlar var. Belə insanlardan biri də Qusar rayon sakini Arif Ramazanovdur.

Arif Ramazanov 1963-cü ildə Həzrə kəndində anadan olub. Onun qeyri-adi istedadı isə ağzı ilə quşların və həşəratların səslərini çıxarmasıdır.

Arif Ramazanov
© Sputnik / Leyla Abdullayeva
Arif Ramazanov

Bacarığı barədə Sputnik Azərbaycan-ın bölgə müxbirinə danışan Arif Ramazanov bildirir ki, bunu uşaq yaşlarından özündə inkişaf etdirib: "Uşaqlıqdan təbiətə vurğun olmuşam. Saatlarla quşların, böcəklərin və həşəratların səslərinə qulaq asırdım. Sonradan onların səslərini ağzımla çıxarmağa başladım. Artıq bu istedad mənim üçün ən sevimli hobbidir".

İndi kənd uşaqları onun başına yığışıb, bu səsləri çıxarmağı xahiş edirlər. Qohumları və kənd camaatı da bir yerə toplaşan zaman ondan bu səsləri çıxarmağı istəyirlər.

Arif Ramazanov deyir ki, əvvəllər çıxartdığı səsləri daha yaxşı olurmuş. İndi isə bir az yadırğadığını söyləyir və bunu qocalığın əlaməti olaraq göstərir.

Maraqlı məqam odur ki, bu qabiliyyət Arif kişidə təsadüfən yaranmayıb. Onun atası musiqi ilə məşğul olub. Arif Ramazanov da gözəl musiqiçidir. O, həm qarmonda, həm gitarada, həmdə qoşa nağarada məharətlə ifa edir.

Arif Ramazanov
© Sputnik / Leyla Abdullayeva
Arif Ramazanov: Uşaqlıqdan təbiətə vurğun olmuşam.

Yaşadığı Həzrə kəndində və ətraf kəndlərdə keçirilən toyların əksəriyyətində musiqiçi kimi iştirak edir. İrsən keçən musiqi həvəsi isə onda quşları, həşəratları yamsılama kimi nadir qabiliyyətə gətirib çıxarıb.

© Sputnik / Leyla Abdullayeva
Azərbaycanda quşların dilini bilən qeyri-adi adam yaşayır

Əlaqədar

Azərbaycanda fenomen böyüyür
Ağacları danışdıran adam: o, sonuncu "mogikan"dır...
Maddi sıxıntıdan qeyri-adi sənət doğuldu
Azərbaycanda "Dərvişlər məskəni": burada hər şey qeyri-adidir - yaşam da, ölüm də...
Teqlər:
Arif Ramazanov, Qusar rayonu, quş, heyvan, insan, Azərbaycan, səs

Əsas mövzular