BAKI, 8 noyabr — Sputnik. Eşitmə qüsurlu uşaqların müalicəsi üçün dövlət büdcəsindən 1,5-2 mln. manatın ayrılması təklif olunur.
Sputnik Azərbaycan xəbər verir ki, bunu noyabrın 8-də Milli Məclisin komitələrinin birgə iclasında parlamentin Səhiyyə komitəsinin sədri Əhliman Əmiraslanov deyib.
Onun sözlərinə görə, ölkədə ildə təxminən 100-150 nəfər eşitmə qüsurlu uşaq doğulur: “Bu uşaqlar qısa müddətdə əməliyyat olunmasa, ömür boyu lal-kar qalırlar. Bu problem həllini tapmayıb. Transplantların alınmaması 100-150 nəfərin bədbəxtçiliyinə gətirib çıxarır. Bunun həlli üçün təxminən 1,5-2 mln. manat vəsait lazımdır”.
