CƏMİYYƏT
Cəmiyyətin həyatında baş verən aktual hadisələr

Sumqayıtda dəhşət: 200 nəfər həkimə müraciət etdi

© Sputnik / Murad OrujovTəcili yardım maşını, arxiv şəkli
Təcili yardım maşını, arxiv şəkli - Sputnik Azərbaycan
Abunə olmaq
Hücuma məruz qalmış 17 min insanın həyatı xilas edilib

BAKI, 18 avqust — Sputnik. Sumqayıtda it dişləməsindən 20 gün sonra 5 yaşlı şəhər sakini Mikayılzadə Zeynəb Elçin qızı vəfat edib. Bu barədə Sputnik Azərbaycan-a Respublika Taun Əleyhinə Stanisiyasının şöbə müdiri Rita İsmayılova məlumat verib. Həkim avqustun 17-də qızın ölümünün quduzluq nəticəsində baş verdiyini təsdiqləyib.

Mikayılzadə iyulun 31-də xəstəxanaya yerləşdirilib. Qıza hücum edən it onu üz və alın nahiyəsindən dişləyibmiş.

Rita İsmayılova qeyd edib ki, həmin nahiyələr insan bədənində ən təhlükəli yerlərdəndir, çünki buradan infeksiya əsəb sisteminə tez yoluxur. Həkimlər dərhal uşağa vaksin vuraraq onu reanimasiya şöbəsinə yerləşdiriblər. Lakin aparılan müalicəyə baxmayaraq uşağı xilas etmək mümkün olmayıb. Qız vaksinasiya tsikli başa çatmamışdan vəfat edib.

İsmayılova deyib ki, baş verən hadisədə həkimlərin günahı yoxdur. Tibbdə həmişə qaydalardan istisnalar olur. Belə hallara nadir rast gəlinsə də, onların haqqında tibbi ədəbiyyatda yazılıb. Müalicənin keyfiyyətinə insanın immuniteti və digər xəstəliklər də az təsir göstərmir.

Qeyd edək ki, bu faciə şəhər sakinləri arasında böyük həyəcana səbəb olub, itlərin insanlara hücumlarının artması isə ciddi narahatlıq doğurur.

Vurulan vaksinin keyfiyyətsiz olmasına gəldikdə isə İsmayılova bu iddiaların yanlış olduğunu bildirib. İsmayılovanın sözlərinə görə, alınan bütün vaksinlər beynəlxalq keyfiyyət standartlarına uyğundur. Onların köməyilə keçən il heyvanların hücumuna məruz qalmış 17 min insanın həyatı xilas edilib.

Həkim həmçinin ötən ay Sumqayıtda 200 it dişləməsi faktının qeydə alındığını bildirib.

İsmayılovanın sözlərinə görə, əgər insanı hansı heyvanın dişlədiyi məlumdursa, Dövlət Baytarlıq Nəzarəti Xidmətinin əməkdaşları onu karantinə yerləşdirməlidirlər. Yoluxmuş heyvan 10 gün ərzində həlak olacaq.

Xəbər lenti
0