CƏMİYYƏT
Cəmiyyətin həyatında baş verən aktual hadisələr

Şah İsmayılın döyüş bayrağı satışa çıxarıldı: 10 min dollara

© Photo : APASəfəvilərin döyüş bayrağınının başlığı
Səfəvilərin döyüş bayrağınının başlığı - Sputnik Azərbaycan
Abunə olmaq
Astara rayonunun Şiyəkəran kənd sakini Yunis Qulamov uzun illərdir Səfəvilər dövlətinin qurucusu Şah İsmayıl ordusunun bayrağını qoruyub saxlayır

BAKI, 23 iyul — Sputnik. Astara sakini ulu babasından qalan Səfəvilərin döyüş bayrağını 10 min dollara  satışa çıxarıb.

APA-nın verdiyi məlumata görə, Astara rayonunun Şiyəkəran kənd sakini Yunis Qulamov uzun illərdir Səfəvilər dövlətinin qurucusu Şah İsmayıl ordusunun bayrağını qoruyub saxlayır.

Y. Qulamov oğlunun ödənişli ixtisas üzrə ali məktəbə daxil olması və anasının xəstəlikdən əziyyət çəkməsi səbəbindən bayrağı satmaq qərarına gəlib. Y. Qulamov APA-ya açıqlamasında bildirib ki,  dəfələrlə Mədəniyyət və Turizm Nazirliyinə, digər aidiyyatı dövlət qurumlarına, muzeylərə müraciət edib. Ancaq indiyə qədər bayrağın dövlət qurumları tərəfindən alınması üçün konkret məbləğ təklif olunmayıb. Bu səbəbdən bayrağın satışı ilə bağlı Y.Qulamovun artıq xarici internet saytlarında da elanlar verib.

Qeyd edək ki, Səfəvilərin döyüş bayrağının üzərinə  ərəb əlifbası ilə İslamın müqəddəs şəxsiyyətlərinin — 12 imamın və iki məsumənin adları həkk olunub. Bundan əlavə, bayrağın üzərində “Səfiyulla” sözü yazılıb. Simurq quşunun təsvirinin olduğu bayrağın üzərində həm İslam, həm də atəşpərəstlik elementləri var. 

Xəbər lenti
0