BAKI, 22 iyul — Sputnik. Bakıda avtomobilin nömrə nişanına müdaxilə edən sürücü saxlanılıb.
Sputnik Azərbaycan Avtosfer-ə istinadən xəbər verir ki, hadisə bu gün "Beşmərtəbə" dairəsi yaxınlığında baş verib. Belə ki, idarə etdiyi "BMW" markalı, 99 EX 551 dövlət nömrə nişanlı avtomobilin nömrəsinə biabırçı şəkildə müdaxilə edən sürücü Anar Şükürov saxlanılıb.
Yol polisləri hesab edib ki, Anar Şükürov avtomobilin nömrəsindəki "EX" hərflərinin əvvəlinə plamastrla "S" hərfi artırmaqla nömrənin üzərindəki Azərbaycan bayrağına qarşı hörmətsizlik edib və qaydanı pozub. Belə ki, o, bu hərəkəti ilə dövlət nömrə nişanına müdaxilə edərək standartdan kənar vəziyyətə gətirib. "EX" seriyasını "SEX" kimi göstərən sürücü saxlanılıb və avtomobili cərimə meydançasına salınıb.
