08:48 25 Noyabr 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
217 0 0

Bu vərdişinə görə onu qınayanlar olsa da, inadından dönmür

İlham Mustafa, Sputnik Azərbaycan

BAKI, 12 iyun — Sputnik. Yevlax rayonu Köyük kənd sakini Mirağa Sabirlinin qeyri-adi hobbisi var. O, yaşadığı həyətdə vəhşi quş olan kərkəs saxlayır. Kənd sakinləri Azərbaycanda təhlükə altında olan quşlar siyahısına salınan bu nəhəng yırtıcı quşa əvvəllər Yevlax ərazisində rast gəlmədiklərini deyirlər.

20 yaşlı gənc, kərkəsə heyvan otararkən rast gəlib və çətinliklə də olsa, onu tuta bilib. "Ona çöldə heyvan otaran zaman rast gəldim. Çətinliklə də olsa, tutdum" – deyir Sputnik Azərbaycan-ın müsahibi.

"Gördüm qanadının bir hissəsi qırıqdır. Evə gətirdikdən sonra baytar çağırdım. Yaralı hissəsinə dərman qoyduq. Fikirləşirdim ki, sağalar, buraxaram yenidən təbiətə" – Mirağa əlavə edir.

O, sonradan quşun bir daha heç zaman vaxt uça bilməyəcəyini başa düşür. Bu vəziyyətdə təbiətdə çox yaşaya bilməyən kərkəsi, həyətində saxlamağa qərar verir və bu proses bir ildən artıqdır davam edir.

Mirağa Sabirlinin həyətdə saxladığı kərkəs
© Sputnik / Ilham Mustafa
Mirağa Sabirlinin həyətdə saxladığı kərkəs

Dediyinə görə, kərkəsi evdə saxlamaq ona asan başa gəlmir: "İştahı pis deyil. Nə qədər ət atsam, yeyir. Əsasən ölmüş heyvan leşlərini verirəm. Olmayanda, gedib qəssabdan lazımsız ətlər götürürəm".

"Əvvəl fikirləşirdim ki, toyuq-cücəni yeyər. Sonra gördüm, ətrafında nə qədər fırlansalar da, onlara dəymir" – M. Sabirli bildir.

Mirağa, yırtıcı quşu saxladığına görə onu qınayanların olduğunu da deyir. Lakin bu, artıq onda hobbi halına gəlib. Hətta dəfələrlə gəlib pul müqabilində kərkəsi almaq istəyənlər olub, lakin satmayıb.

"Bu kərkəsə 150 manatadək pul təklif edənlər olub" — deyir.

Bir müddət əvvəl Qafqaz qartalı da saxladığını deyən Mirağa, 5 ay bəslədikdən sonra onu, sağlam olduğuna görə təbiətə buraxıb.

Əlaqədar

Azərbaycanda qeyri-adi qoca: bir dəfə çağırmağınız yetər
Azərbaycanda naməlum heyvan skeleti tapıldı: yüzlərlə insan onu görməyə gedir
Azərbaycanda fenomen böyüyür
Onun gözübağlı bacardığını əksəriyyət gözüaçıq bacarmır
Bu kəndin mal-qarasına vəhşi heyvanlar da yaxın düşə bilmir
Nadir şahın yadigarı Ağstafada qorunur
Teqlər:
kərkəs, vəhşi quş, hobbi, Mirağa Sabirli, Köyük kəndi, Yevlax rayonu, ət, yırtıcı, Azərbaycan

Əsas mövzular