CƏMİYYƏT
Cəmiyyətin həyatında baş verən aktual hadisələr

Bu metro stansiyasında təmir işlərinə başlanılıb

© Photo : "Bakı Metropoliteni" mətbuat xidməti"Neftçilər" stansiyasının vestibüllərində təmir işlərinə başlanılıb
Neftçilər stansiyasının vestibüllərində təmir işlərinə başlanılıb - Sputnik Azərbaycan
Abunə olmaq
Sərnişinlərin hərəkətini məhdudlaşdırmamaq məqsədilə təmir mərhələli şəkildə aparılacaq

BAKI, 6 iyun — Sputnik. "Neftçilər" stansiyasının vestibüllərində təmir işlərinə başlanılıb. "Bakı Metropoliteni" QSC-nin mətbuat xidmətinin rəhbəri Nəsimi Paşayev Sputnik Azərbaycan-a bildirib ki, 1972-ci ildə istismara verilmiş stansiyanın hər iki vestibülündə döşəmə və divar örtüyü uzun müddət istismar edildiyindən onların dəyişdirilməsi zərurəti yaranıb.

Yeniləşmə tədbirləri çərçivəsində vestibüllərdə elektrik və rabitə xətləri də dəyişdiriləcək, sanitar qovşaqlarda təmir-bərpa işləri yerinə yetiriləcək.

Sərnişinlərin hərəkətini məhdudlaşdırmamaq məqsədilə təmir mərhələli şəkildə aparılacaq. Müvafiq iş şəraitini yaratmaq, həmçinin sərnişinlərin təhlükəsiz hərəkətini təmin etmək məqsədilə təmir sahələri çəpərlənəcək.

Yeniləşmə tədbirlərinin iki ay ərzində başa çatdırılması nəzərdə tutulur.

Qeyd edək ki, 2016-cı ildə stansiyanın keçidləri təmir edilərək, döşəmə və divar örtüyü yenilənib, keçid divarlarında stansiyanın adına uyğun mozaik pannolar vurulub.

Xəbər lenti
0