CƏMİYYƏT
Cəmiyyətin həyatında baş verən aktual hadisələr

Səyyar ASAN bu gündən etibarən iki rayonda olacaq

© Photo : © Facebook / ASAN XidmətSəyyar ASAN Xidmət
Səyyar ASAN Xidmət - Sputnik Azərbaycan
Abunə olmaq
ASAN xidmət 22 may – 20 iyun tarixində Qusar şəhərində vətəndaşlara səyyar formada xidmət göstərəcək

BAKI, 22 may — Sputnik. Səyyar ASAN qatar 22 may – 5 iyun tarixində Xaçmaz şəhərində, səyyar ASAN xidmət 22 may – 20 iyun tarixində Qusar şəhərində vətəndaşlara səyyar formada xidmət göstərəcək. Bu barədə Sputnik Azərbaycan-a ASAN Xidmətin-in mətbuat xidmətindən məlumat verilib.

AsanDoc portalı - Sputnik Azərbaycan
CƏMİYYƏT
Asan Xidmətin yeni portalı istifadəyə verildi

Bununla yanaşı, Səyyar ASAN xidmət tərəfindən Xəzər rayonunun Mərdəkan qəsəbəsində kommunal xidmətlər ("Azərişıq", "Azərsu" ASC və "Azəriqaz" İB), Abşeron Gənclər Evində isə ümumvətəndaş pasportlarının verilməsi və dəyişdirilməsi xidməti həyata keçirilir. Həmçinin, səyyar avtobuslar 1 – 30 may Ağcabədi, Naftalan, Zaqatala, Biləsuvar, Kürdəmir şəhərlərində, 3 – 22 may Məhəmmədi kəndində, 20 – 29 may Pirallahı qəsəbəsində, 20 may – 8 iyun Zərdabda vətəndaşların xidmətində olacaq.

Səyyar şəkildə göstərilən xidmətlər Azərbaycan Respublikasının Ədliyyə Nazirliyi, Daxili İşlər Nazirliyi, Əmək və Əhalinin Sosial Müdafiəsi Nazirliyi və Əmlak Məsələləri Dövlət Komitəsi tərəfindən təqdim olunur. Bu xidmətlərə aşağıdakılar daxildir:

Notariat fəaliyyəti;

Vətəndaşlıq vəziyyəti aktlarının dövlət qeydiyyatı;

Şəxsiyyət vəsiqələrinin verilməsi və dəyişdirilməsi;

Ümumvətəndaş pasportlarının verilməsi və dəyişdirilməsi;

Sürücülük vəsiqələrinin dəyişdirilməsi;

Əmək pensiyalarının təyin edilməsi;

Mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi;

Daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi;

Fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi.

Qeyd edək ki, Səyyar ASAN xidmətin həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin edilməsi və vətəndaş məmnunluğuna nail olunmasıdır.

Xəbər lenti
0