CƏMİYYƏT
Cəmiyyətin həyatında baş verən aktual hadisələr

On minlərlə insana şad xəbər

© Official website of President of Azerbaijan Republicİlham Əliyev 1 saylı “ASAN Kommunal” Mərkəzinin açılışında iştirak edib
İlham Əliyev 1 saylı “ASAN Kommunal” Mərkəzinin açılışında iştirak edib - Sputnik Azərbaycan
Abunə olmaq
"ASAN Wi-Fi" sistemi artıq Heydər Əliyev Beynəlxalq Hava Limanında istifadəyə verilib

BAKI, 13 mart — Sputnik. Ölkə ərazisində, xüsusi ilə ictimai yerlərdə əhalinin ödənişsiz olaraq internetə çıxış imkanlarının təmin edilməsi məqsədilə yaradılmış "ASAN Wi-Fi" sistemi artıq hər gün 10 minlərlə insanın istifadə etdiyi Heydər Əliyev Beynəlxalq Hava Limanında istifadəyə verildi. Bu barədə Sputnik Azərbaycan-a "ASAN xidmət"in mətbuat xidmətindən məlumat verilib.

ASAN Xidmət - Sputnik Azərbaycan
CƏMİYYƏT
"ASAN xidmət"in səlahiyyətləri artırılır

Bildirilib ki, bu günə qədər 200 minə yaxın istifadəçinin yararlandığı "ASAN Wi-Fi" sistemi istifadəçilərə sürətli və pulsuz internetdən istifadə imkanları yaratmaqla bərabər, onları dövlət və sosial layihələr haqqında məlumatlandırmağa xidmət edir. Bununla yanaşı, müxtəlif şirkətlər reklam məqsədli tanıtım materiallarını bu sistem vasitəsilə istifadəçilərə daha rahat çatdıra bilərlər.

Qeyd edək ki, "ASAN Wi-Fi" layihəsi 2016-cı il 10 avqust tarixində Qəbələ regional "ASAN xidmət" mərkəzinin açılışı zamanı ölkə başçısı cənab İlham Əliyevə təqdim olunub. 2016-cı ilin oktyabr ayından etibarən "ASAN Wi-Fi" sistemi pilot layihə olaraq 1 və 3 saylı "ASAN xidmət" mərkəzində fəaliyyətə başlayıb.

Tezliklə digər "ASAN xidmət" mərkəzlərində və müxtəlif ictimai obyektlərdə də sistemin quraşdırılması nəzərdə tutulur. Bu isə öz növbəsində daha geniş əhali kütləsinin ödənişsiz olaraq sistemin təqdim etdiyi xidmətlərdən istifadə etməsinə imkan yaradacaq.

Xəbər lenti
0