CƏMİYYƏT
Cəmiyyətin həyatında baş verən aktual hadisələr

Nazirlikdən şiddətli külək xəbərdarlığı

© Sputnik / Ilham MustafaDaşkəsəndə külək ciddi fəsadlar törədib
Daşkəsəndə külək ciddi fəsadlar törədib - Sputnik Azərbaycan
Abunə olmaq
Güclü külək əsəcək, bəzi yerlərdə 21 dərəcə isti olacaq

BAKI, 25 fev — Sputnik. Bakı və Abşeron yarımadasında fevralın 26-da havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Bəzi yerlərdə zəif duman olacaq. Arabir güclənən cənub-qərb küləyi gündüz güclü şimal-qərb küləyi ilə əvəz olunacaq.

Ekologiya və Təbii Sərvətlər Nazirliyindən Sputnik Azərbaycan-a verilən məlumata görə, havanın temperaturunun gecə 4-6° isti, günün birinci yarısında 11-16° isti, günün ikinci yarısında 7-11° isti, Bakıda gecə 4-6° isti, gündüz  14-16°, günün ikinci yarısında 7-10°  isti olacağı gözlənilir.

Atmosfer  təzyiqi  760  mm civə sütunundan 773 mm civə sütununa yüksələcək. Nisbi rütubət gecə 75-85 %, gündüz 50-55 % təşkil edəcək.

Azərbaycanın rayonlarında hava əsasən yağmursuz keçəcək. Gecə və səhər bəzi yerlərdə duman olacaq. Lakin gündüz bəzi şimal rayonlarında yağıntılı olacağı, qar yağacağı ehtimalı var.

Qərb küləyi ayrı-ayrı yerlərdə arabir güclənəcək. Havanın temperaturunun gecə 3-8° isti, gündüz 16 —21° isti, dağlarda gecə 0-5° isti, gündüz 6-11° isti olacağı gözlənilir.

Xəbər lenti
0