12:37 20 Avqust 2019
Canlı yayım
  • USD1.7000
  • RUB0.0254
  • EUR1.8846
Milli Məclis

Bələdiyyələrlə bağlı qanunlara dəyişiklik edilə bilər

© Sputnik / Murad Orujov
CƏMİYYƏT
Qısa URL
410 0 0

Parlamentin Regional məsələlər komitəsinin iclası keçirilib

BAKI, 24 yan — Sputnik. Bu gün Milli Məclisin Regional məsələlər komitəsinin iclası keçirilib. Sputnik Azərbaycan xəbər verir ki, iclasda komitənin 2016-cı il payız sessiyası dövründə gördüyü işlər barədə hesabatı və 2017-ci il yaz sessiyasının iş planı müzakirə edilib.

Komitə sədri Arif Rəhimzadə görülən işlər barədə məlumat verib: "Hesabat dövründə 5 iclas keçirilib, 22 məsələ müzakirə olunub. Bunun 7-si qanun layihəsidir ki, bunların da hamısı qəbul edilib. Hesabat dövründə 198 məktub, təklif, ərizə və şikayətin 84-ü araşdırılmaq üçün müvafiq təşkilatlara göndərilib".

Komitə sədri deyib ki, yaz sessiyasının gündəliyinə 5-i qanun layihələrinə dəyişikliklər olmaqla, 7 məsələ daxil edilib: "Bunlar "Azərbaycanın 2002-ci il 15 mart tarixli 247-IIQ saylı Qanunu ilə təsdiq edilmiş "Bələdiyyə torpaqlarının ayrılmasına dair sənədlərin hazırlanması və razılaşdırılması qaydaları haqqında Əsasnamə"də, "Yerli (bələdiyyə) vergilər və ödənişlər haqqında", "Bələdiyyələrin statusu haqqında", "Bələdiyyələrin maliyyəsinin əsasları haqqında", "Bələdiyyə torpaqlarının idarə edilməsi haqqında" qanunlarda dəyişikliklər ilə bağlıdır".

A. Rəhimzadə qeyd edib ki, qanun layihələri artıq razılaşma mərhələsindədir və mövcud qurumlarla razılaşdırıldıqdan sonra komitə iclaslarında təsdiqlənərək yaz sessiyasına təklif olunacaq.

Əlaqədar

Bələdiyyələrin fəaliyyətinin gücləndirilməsi müzakirə ediləcək
Ekspert: Bələdiyyələrin səlahiyyətləri artırılmalıdır
"Bələdiyyələr öz səlahiyyətlərindən belə, istifadə edə bilmir"
Keçmiş bələdiyyə sədrinin evi yanıb
"330 bələdiyyə sədri inzibati məsuliyyətə cəlb olunub"
Teqlər:
sessiya, bələdiyyə, Milli Məclis, qanun, layihə

Əsas mövzular