04:37 02 İyun 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
1121 0 0

Azərbaycanı həmişə yeraltı təkanlar müşayiət edəcək

BAKI, 10 yan — Sputnik. Xəzər dənizində potensial gücə malik zəlzələ ocaqları mövcuddur. Bu barədə Sputnik-ə Azərbaycan Milli Elmlər Akademiyası yanında Respublika Seysmoloji Xidmət Mərkəzinin baş direktoru Qurban Yetirmişli bildirib.

Onun sözlərinə görə, həmçinin Böyük Qafqazın yamaclarında, Şamaxı-İsmayıllı zonasında, Azərbaycanın şimal-qərb regionlarında, Şəki-Zaqatala-Balakən zonasında, Kiçik Qafqaz dağlarında, Talış dağlarında və Naxçıvanda müəyyən qədər aktivlik müşahidə olunur.

"Zəlzələlər hər gün baş verir, çünki Azərbaycan seysmik cəhətdən aktiv bölgədə — Alp-Himalay seysmik zolağında yerləşir. Birmənalı şəkildə zəlzələnin olmayacağını demək olmaz. Onlar var, olub və olacaq. Qısamüddətli proqnozlar vermək mümkün deyil. Burada təkanların yerini, gücünü və vaxtını təyin etmək lazımdır" — deyə seysmoloq bildirib.

Yetirmişli qeyd edib ki, hansı regionda az-çox aktivliyin olduğu barədə 1-2 illik ortamüddətli proqnozlar vermək mümkündür: "Bunu da təkanların qeydə alınması və digər geofiziki tədqiqatlarla müəyyənləşdirmək olar".

Seysmoloqun sözlərinə görə, ötən il ərzində 2015-ci illə müqayisədə seysmik aktivlik nisbətən aşağı olub: "Baxmayaraq ki, Azərbaycan və sərhədyanı ərazilərdə 9 min yeraltı təkan qeydə alınıb, amma güclü silkələnmə baş verməyib. Cəmi 18 dəfə hiss olunacaq zəlzələlər baş verib ki, onların da gücü 3-4,5 bal olub. Onlardan biri İmişli rayonunda baş verib".

"Bu gün güclü dağıdıcı zəlzələlərin baş verəcəyi aktiv zonalar yoxdur. Yeraltı təkanlar fon səviyyəsindədir, yəni zəifdir" — deyə baş seysmoloq bildirib.

Əlaqədar

Cənub qonşumuzda güclü zəlzələ olub
Azərbaycanda zəlzələ olub
Çili sahillərində güclü zəlzələ baş verib
Rusiyada zəlzələ oldu
Azərbaycanda zəlzələ baş verib
İtaliyada siyasi zəlzələ davam edir
Ankarada zəlzələ oldu
Teqlər:
seysmoloq, təkan, ocaq, Qurban Yetirmişli, Xəzər, zəlzələ, proqnoz

Əsas mövzular