01:19 17 Fevral 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
3215 0 0

Ailənin sağ qalan yeganə övladı bu gün Xəzərdə itkin düşüb

BAKI, 15 dek — Sputnik. Bu gün Xəzər dənizində baş verən qəzada itkin düşmüş operator Qorxmaz Rüstəmov ailənin sağ qalan yeganə övladıdır. Onun bacı və qardaşı bir neçə il əvvəl avtoqəzada həlak olublar.

SOCAR-ın Azneft İstehsalat Birliyinin baş mühəndisi Balamirzə Ağarəhimov
© Sputnik / Murad Orujov

Sputnik Azadlıq-a istinadla xəbər verir ki, bu barədə Rüstəmovun yaşadığı, Hacıqabul rayonu Atbulaq kəndinin icra nümayəndəsi Pərviz Dadaşov məlumat verib. Onun sözlərinə görə, Xəzər dənizində baş vermiş qəzada itkin düşən Qorxmaz Rüstəmov ailənin yeganə övladıdır.

"Bir neçə il əvvəl baş verən avtomobil qəzasında Qorxmaz Rüstəmovun bacısı, onun əri, uşağı və qardaşı həlak olub. Rüstəmovlar ailəsinin 3 övladından yeganə sağ qalan, hazırda adı itkinlər siyasında olan operator Qorxmaz Rüstəmovdur", — P. Dadaşov bildirib.

İcra nümayəndəsi bildirib ki, Rüstəmovun ailə üzvləri hadisədən xəbər tutan kimi dərhal Bakıya gəliblər. Qorxmaz Rüstəmov Atbulaq kəndində yaşayırmış, bir həftədən bir Bakıya işə gəlib-gedirmiş. Qorxmazın valideynləri və həyat yoldaşı kənddə qalır. O özü isə xeyli vaxtdır ki, dənizdə neftçi işləyirdi.

Xatırladaq ki, dekabrın 15-də səhər saat 05.00 radələrində Xəzər dənizində 41 metr/saniyə sürəti ilə əsən güclü külək "Azneft" İB-nin N.Nərimanov adına Neft-Qaz Çıxarma İdarəsinin 3 saylı neft yığım məntəqəsinin sağ və sol hissəsində yerləşən estakadanın uzunluğu təqribən 150 metr olan hissəsini dənizə uçurub. Estakadanın həmin hissəsi özü ilə birlikdə ona bitişik olan meydançanı və üzərindəki yaşayış budkasını da uçurub. Bunun nəticəsində Azərbaycan Respublikası Dövlət Neft Şirkətinin 10 nəfər işçisi itkin düşüb. Onlardan birinin cəsədi tapılaraq dənizdən çıxarılıb.

Əlaqədar

Xəzərdə qalan canlar
Prezident Xəzərdə baş verən qəza ilə bağlı göstəriş verdi
Xəzərdə itkin düşmüş neftçilərlə bağlı yeni xəbər
Güclü qasırğa xilasetmə əməliyyatını çətinə salıb
İtkin düşən neftçilərlə bağlı dəhşətli fakt
Xəzərdə baş vermis qəza bölgəsinə 6 gəmi göndərilib
İtkin neftçilərlə bağlı qərargah yaradıldı
Teqlər:
Pərviz Dadaşov, Atbulaq, Qorxmaz Rüstəmov, operator, dəniz, Hacıqabul, Xəzər, qəza

Əsas mövzular