CƏMİYYƏT
Cəmiyyətin həyatında baş verən aktual hadisələr

Rus dilində Qarabağ tarixinin elektron salnaməsi hazırlanıb

© Sputnik / V.Kalinin / Mediabanka keçidXVIII əsrə aid Şuşa məscidi, 1988-ci ilin aprel ayı
XVIII əsrə aid Şuşa məscidi, 1988-ci ilin aprel ayı - Sputnik Azərbaycan
Abunə olmaq
QHT-lərə Dövlət Dəstəyi Şurasının yardımı yeni internet resurs ərsəyə gətirilib.

BAKI, 4 noy — Sputnik. Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının yardımı ilə “Effektiv Təşəbbüslər Mərkəzi” İctimai Birliyinin həyata keçirdiyi layihə çərçivəsində rus dilində Qarabağ tarixinin elektron salnaməsi hazırlanıb. Layihə 2016-cı ilin may-oktyabr aylarında reallaşdırılıb.

“Qarabağ tarixi” xronoqrafı ictimai birliyin www.azerbaycanli.org saytında istifadəyə verilib.

Təşkilatdan verilən məlumata görə, 2010-cu ildə QHT-lərə Dövlət Dəstəyi Şurasının yardımı ilə Azərbaycan internet məkanında ilk dəfə Qarabağ tarixinin elektron salnaməsi hazırlanıb. Yeni layihə çərçivəsində isə həmin xronoqraf zənginləşdirilərək rus dilinə tərcümə edilib. 

Elektron toplu Qarabağın ən qədim zamanlardan bu günədək tarixini xronikal qaydada əhatə edir. Qafqaz Albaniyası, Orta əsrlər, Səfəvilər dövrü və sonrakı mərhələlərdə Qarabağın Azərbaycan torpağı olması, Qarabağ xanlığı, 1805-ci ildə xanlığın çar Rusiyası tərəfindən istila edilməsi, bölgəyə ermənilərin köçürülməsi, Azərbaycan Xalq Cümhuriyyəti və Azərbaycanın sovetləşməsi dövründə bölgədə baş verən hadisələr, Qarabağın dağlıq hissəsində muxtar vilayətin yaradılması xronoqrafda təfərrüatı ilə əksini tapıb. Topluda Ermənistanın Azərbaycana ərazi iddiaları zəminində 1988-ci ildə başlanan Dağlıq Qarabağ münaqişəsi və ötən müddətdə cərəyan edən proseslər, 1994-cü ildə atəşkəsin əldə edilməsi və bu günədək davam edən sülh danışıqları ilbəil əhatə olunub.

Elektron xronoqraf ictimai birliyin 2009-cu ildən QHT Şurasının dəstəyi ilə həyata keçirdiyi “azerbaycanli.org — milli eyniyyətdən qlobal dünyaya pəncərə” internet layihəsinin növbəti mərhələsidir. Ötən müddətdə bu layihə üzrə Azərbaycan və rus dillərində “Bizim təqvim”, “Qarabağ tarixi”, “Qarabağ ədəbiyyatı”, “Mədəniyyət gündəliyi”, “O taylı – bu taylı tariximiz (1813-2013)”, “Azərbaycançılıq — bizi birləşdirən dəyər” və s. elektron toplular hazırlanıb.

Xəbər lenti
0