11:38 19 Noyabr 2019
Canlı yayım
  • USD1.7000
  • RUB0.0266
  • EUR1.8828
Ev

"Kupça"ların verilməsi ilə bağlı yenilik

CC0 / AlexanderStein / home
CƏMİYYƏT
Qısa URL
83430

Vətəndaşlar onlara məxsus daşınmaz əmlaka dair çıxarış almaq üçün tələb olunan sənədlərin siyahısı ilə indi daha rahat və çevik şəkildə tanış ola biləcəklər

BAKI, 26 okt — Sputnik. Əmlak Məsələləri Dövlət Komitəsinin (ƏMDK) rəsmi saytında vətəndaşlar üçün daşınmaz əmlakın qeydiyyatı ilə bağlı yenilik edilib. Vətəndaşlar onlara məxsus daşınmaz əmlaka dair çıxarış almaq üçün tələb olunan sənədlərin siyahısı ilə indi daha rahat və çevik şəkildə tanış ola biləcəklər. Belə ki, ƏMDK-nın rəsmi internet səhifəsində bu siyahını əks etdirən "Vətəndaşların nəzərinə" adlı ayrıca keçid (link) yaradılıb.

Ramil Osmanlı, Əmlak Ekspert Mərkəzinin direktoru
© Sputnik / Sabina Aliyeva
Ramil Osmanlı, Əmlak Ekspert Mərkəzinin direktoru

Bunu "Əmlak Ekspert Mərkəzi"nin direktoru Ramil Osmanlı şəxsi "Facebook" səhifəsində yazıb. "Burada mənzil fondunun özəlləşdirilməsi, fərdi yaşayış evlərinin ilkin qeydiyyatı, daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair arayışın verilməsi üçün tələb olunan sənədlərin siyahısı əksini tapıb. Həyətyanı torpaq sahəsi və bağ evi olan vətəndaşlar da bu əmlakların ilkin qeydiyyatı üçün zəruri sənədlərin siyahısını bu linkdə görə bilərlər", — ekspert bildirib.

Onun yazdığına görə, fərdi və kooperativ bağ sahələri (boş torpaq sahələri) üzərində hüquqların ilkin qeydiyyatı üçün tələb olunan sənədlərin siyahısı da bu linkdə yer alıb: "Kollektiv bağçılıq-yoldaşlıq təsərrüfatının istifadəsindəki bağ sahələrinin ilkin qeydiyyatı bağlı sənədlərlə də burada tanış olmaq mümkündür. Bu siyahı isə yalnız 2001-ci il 1 yanvar tarixinədək ayrılmış torpaq sahələrinin qanuni istifadəçilərinə şamil edilir".

R. Osmanlı bildirib ki, bundan əlavə, Daşınmaz Əmlakın Dövlət Reyestri Xidməti yaranan tarixdən əvvəl yaranmış mülkiyyət hüquqlarının qeydiyyatı ilə bağlı sənədlərin siyahısı da linkdə əksini tapıb: "Bu mülkiyyət hüquqlarına Xidmət fəaliyyətə başlayana qədər müvafiq icra hakimiyyəti orqanları tərəfindən qeydiyyata alınmış hüquqlar və bu barədə verilmiş sənədlər aiddir".

"Qeyd edək ki, bu yeniliyin məqsədi hüquqi tələbləri daha rahat və çevik şəkildə əhaliyə çatdırmaq və maarifləndirmək, eləcə də qeydiyyat prosesində vətəndaşın işini maksimum rahatlaşdırmaqdır. Vətəndaş qeydiyyat prosesinə başlamazdan öncə, sadəcə bu linkə daxil olaraq zəruri sənədlər siyahısı ilə tanış olur. Artıq bundan ötrü ərazi qeydiyyat idarəsinə getməsinə və ya zəng vurmasına ehtiyac qalmır. Daha sonra isə vətəndaş daşınmaz əmlak barədə istədiyi hüquqi əməliyyatları həyata keçirməyə başlayır. Son nəticədə bu yenilik daşınmaz əmlakın qeydiyyatında vətəndaş məmnunluğunun artırılmasına və məmur-vətəndaş ünsiyyətinin azaldılmasına xidmət edir", — R. Osmanlı yazıb.

Ekspert bildirib ki, belə tədbirlər qeydiyyat xidmətlərində keyfiyyət və səmərəliliyin artmasına, daha çox insanın hüquq sahibi, mülkiyyətçi olmasına yol açır: "Xatırladaq ki, son illərdə imzalanmış Fərman və sərəncamlar sayəsində qeydiyyat üçün əsas olan ilkin sənədlərin siyahısı əhəmiyyətli dərəcədə genişlənib. Qeydiyyat üçün tələb olunan müddətlər də qısaldılıb və 10 iş gününə endirilib. Elektron və onlayn xidmətlərin tətbiqindən sonra isə daşınmaz əmlakın qeydiyyatı prosesi kifayət qədər sadələşib. Elektron müstəviyə keçid vətəndaşın qeydiyyat üçün uzun vaxt itgisinə məruz qalmasını, ərazi idarələrinə getməsini aradan qaldırıb və vətəndaş-məmur ünsiyyətini minimuma endirib".

Əlaqədar

"Kupça"sız mənzillərə ipoteka krediti veriləcək?
51 dövlət əmlakı özəlləşdirilməyə çıxarılıb
"Primadonna"nın bacıları onun oğulluğu ilə əmlak davasında
Korrupsionerlərin gizli əmlaklarına dair məlumatlar açıqlanacaq
Əmlak bazarında vəziyyət ağır olaraq qalır
Teqlər:
ƏMDK, "kupça", daşınmaz əmlak, Ramil Osmanlı, Əmlak Məsələləri Dövlət Komitəsi

Əsas mövzular