05:53 25 Fevral 2018
Canlı yayım
Qadın

Qızını öldürən anadan tük ürpədən etiraf

CC BY 2.0 / Lau_Lau Chan Follow / _MG_8814 copy
CƏMİYYƏT
Qısa URL
549011

Sabunçuda 14 yaşlı qızını boğaraq öldürən anadan dəhşətli izahat.

BAKI, 4 avq-Sputnik. Daxili İşlər Nazirliyi (DİN) Bakıda ananın qızını öldürməsi faktı ilə bağlı məlumat yayıb.

Sputnik-ə Nazirliyin mətbuat xidmətindən verilən məlumata görə, avqustun 3-də Sabunçu rayonunun Balaxanı qəsəbəsində yaşayan Züleyxa Cəfərova evində münaqişə zəminində 14 yaşlı qızı Ehsanə Cəfərovanı yaylıqla boğaraq öldürüb.

Sabunçu Rayon Polis İdarəsinin 12-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində Z.Cəfərova tutulub.

Sabunçu rayon prokurorluğundan Sputnik-ə verilən məlumata görə, hadisə ötən gün saat 5 radələrində baş verib. Cinayət Cəfərovlarun yaşadığı evdə törədilib. Qadın qızını öldürdüyü barədə ilk olaraq qonşulara xəbər verib və onlardan polis çağırmağı rica edib.

Aparılan araşdırmalar zamanı məlum olub ki, Cəfərova öz qızını (onun 3 uşağı var) hirsindən şarfla boğub. Qız anasına zorlandığını deyərək ondan kömək istəyib, ana isə əvəzində qəzəblənərək qızını öldürüb.

Ana istintaqa bildirib ki, belə bir biabırçılığa dözə bilməyib, ona görə də cinayətə əl atıb. Hazırda rayon prokurorluğunda fakt üzrə araşdırma aparılır.

Züleyxa Cəfərova ilə bağlı Cinayət Məcəlləsinin 120-ci maddəsi (qəsdən adam öldürmə) ilə cinayət işi açılıb.

Əlaqədar

Bu qədər dəhşətli cinayət görünməmişdi
Gəncədə dəhşətli cinayət
Həyat yoldaşını öldürdü, 40 il aldı
Bakıda qardaş qardaşı öldürdü
Dəhşətli cinayət - oğul ailənin 4 üzvünü balta ilə öldürdü
Teqlər:
qəsdən adam öldürmə, Balaxanı, Sabunçu rayon Prokurorluğu, Cinayət Məcəlləsi, Daxili İşlər Nazirliyi, cinayət

Əsas mövzular