14:45 24 Yanvar 2021
Canlı yayım
  • USD1.7000
  • RUB0.0230
  • EUR2.0695
CƏMİYYƏT
Qısa URL
85511

Nəzarət Palatası: "Brexit"in Azərbaycanda maliyyə sabitliyinə təsiri üçün fundamental əsaslar yoxdur"

BAKI, 25 iyun — Sputnik. ""Brexit"in ölkədə maliyyə sabitliyinə dərhal və birbaşa təsiri üçün fundamental əsaslar yoxdur". Sputnik xəbər verir ki, bu barədə Maliyyə Bazarlarına Nəzarət Palatası (MBNP) məlumat yayıb.

"Öncədən 23 iyun 2016-cı il tarixinə təyin olunmuş referendumun nəticələrinin ölkədə də əhali və biznesin həssas davranışına səbəb ola biləcəyini nəzərə alaraq, Maliyyə Bazarlarına Nəzarət Palatası (MBNP) bir müddətdir ki, bu proseslərin Azərbaycan iqtisadiyyatına təsiri kanallarını araşdırır, maliyyə sabitliyinin qorunması üçün tədbirlər həyata keçirir", — MBNP bildirib. 

Qeyd olunur ki, "Brexit"in keçid müddətində qlobal əmtəə, əmək və maliyyə bazarlarında qeyri-müəyyənlikləri artıracağı gözləntiləri əsasında aparılmış təhlillər göstərir ki, Azərbaycanın xarici ticarətinin strukturu və dinamikası, əsas ticarət tərəfdaşları ilə ABŞ dolları əsasında formalaşmış münasibətləri, habelə maliyyə institutlarının aktiv və öhdəliklərinin valyuta strukturu onun ölkəmizin iqtisadiyyatına, o cümlədən maliyyə sisteminə birbaşa təsirini əhəmiyyətli dərəcədə minimallaşdırıb.

Dollar
© Sputnik / Murad Orujov

Məlumatda həmçinin qeyd olunub ki, bununla belə, cari ilin 24 iyun tarixində xüsusilə valyuta bazarının monitorinqi zamanı bir qədər həssas davranış müşahidə edilib. Bu, fundamental iqtisadi faktorlarla deyil,əsasən xarici maliyyə bazarları ilə bağlı informasiya ekspansiyası ilə izah olunur. "Brexit"in ölkədə maliyyə sabitliyinə dərhal və birbaşa təsiri üçün fundamental əsaslar yoxdur. MBNP bu sahədə monitorinqləri davam etdirir və "Brexit"in ölkə iqtisadiyyatına dolayı, o cümlədən psixoloji təsirinin neytrallaşdırılması üçün işlər görür. 

Qeyd edək ki, iyunun 23-də Böyük Britaniya və Şimali İrlandiya Birləşmiş Krallığında keçirilmiş referendumda ölkə vətəndaşlarının 52 faizi Avropa İttifaqından çıxmağa səs veriblər.

Əlaqədar

Dolların məzənnəsi açıqlandı
Britaniya Mərkəzi Bankı funt sterlinqin qorunması üçün 345 milyard dollar ayıracaq
Dövlət Neft Fondu bir anda 90 milyon dollar itirdi
Banklar dövlətdən dollar tələb edir
Dollar sürətlə irəliləyir
Dollar 1.53 manata çatır
Teqlər:
Avropa, Böyük Britaniya, referendum, manat, dollar

Əsas mövzular