16:46 28 Yanvar 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
2601

Paytaxtın ən işlək küçələrinin biri üzərində quraşdırılmış gerisayım saatı ictimaiyyət arasında Formula 1 yarışına diqqəti cəlb etməklə yanaşı, bu yarışa marağın artmasına kömək edəcək

BAKI, 31 may — Sputnik. Bu il Bakının ev sahibliyi edəcəyi ən möhtəşəm yarışa — Formula 1 Avropa Qran Prisinə 20 günün qaldığı bir ərəfədə Bakıda Yusif Səfərov küçəsi boyunca yerləşən Şah İsmayıl Xətai parkında gerisayım saatı quraşdırılıb. Bu barədə Sputnik-ə Bakı Şəhər Halqası Əməliyyat Şirkətindən məlumat verilib.

Modern üslubda hazırlanan installyasiya şəhərin qonaqlarına və sakinlərinə Formula 1-in bu ilki mövsümünün 8-ci yarışı olan Avropa Qran Prisinin başlamasına qalan vaxtı göstərir. Paytaxtın ən işlək küçələrinin biri üzərində quraşdırılmış gerisayım saatı ictimaiyyət arasında Azərbaycanda ilk dəfə keçiriləcək Formula 1 yarışına diqqəti cəlb etməklə yanaşı bu yarışa marağın artmasına kömək edəcək.

Avropa Qran Prisinə hazırlıq işlərinin əksəriyyətini uğurla başa vuran əməliyyat şirkəti hazırda gücləndirilmiş iş rejimində fəaliyyət göstərir və yarışın keçirilməsi üçün gərəkli olan bütün hazırlıq işlərini iyunun 16-dək tam başa vurmaq əzmindədir. Artıq Paddok ərazisində yerləşən Pit binasının, Beynəlxalq Avtomobil Federasiyası, Formula Bir Rəhbərliyi, Bakı Şəhər Halqası Əməliyyat Şirkəti, komandalar və yarışla əlaqədar digər iştirakçıların ofislərinin tikintisi başa çatıb.

  • Modern üslubda hazırlanan installyasiya yarışın başlamasına qalan vaxtı göstərir
    Modern üslubda hazırlanan installyasiya yarışın başlamasına qalan vaxtı göstərir
    © Photo : Baku City Circuit
  • Gerisayım saatı paytaxtın ən işlək küçələrinin birində quraşdırılıb
    Gerisayım saatı paytaxtın ən işlək küçələrinin birində quraşdırılıb
    © Photo : Baku City Circuit
  • Artıq Avropa Qran Prisinə hazırlıq işlərinin əksəriyyəti uğurla başa vurulub
    Artıq Avropa Qran Prisinə hazırlıq işlərinin əksəriyyəti uğurla başa vurulub
    © Photo : Baku City Circuit
1 / 3
© Photo : Baku City Circuit
Modern üslubda hazırlanan installyasiya yarışın başlamasına qalan vaxtı göstərir

Hazırda bu tikililərdə texniki avadanlıqlar quraşdırılmaqdadır. Paddok ərazisində görülən bütün hazırlıq tədbirlərinin iyunun 6-dək yekunlaşdırılaraq əlaqədar tərəfdaşlara təhvil verilməsi nəzərdə tutulub.

Bakı Şəhər Halqasının asfalt örtüyü yarış üçün hazır vəziyyətə gətirilib. Trek ətrafında təhlükəsizlik baryerlərinin quraşdırılması ilə əlaqədar işlərin 95%-i artıq başa çatıb. Şəhər sakinlərinin fasiləsiz hərəkətinə mane olmamaq üçün trekin bəzi yerlərində təhlükəsizlik baryerləri yarışa ən yaxın günlərdə quraşdırılacaq. Belə ki, 14-16 iyun tarixləri ərzində Bakı Şəhər Halqasının keçdiyi küçələr nəqliyyatın hərəkəti üçün tamamilə bağlanaraq son hazırlıq işləri, o cümlədən qalan təhlükəsiz baryerlərinin quraşdırılması, trekin yarış standartlarına müvafiq şəkildə boyanması və digər zəruri işlər həyata keçiriləcək.

Bakı Şəhər Halqası ətrafında quraşdırılacaq 9 tribunadan 7-nin tikintisi artıq başa çatıb. Hazırda 5 min nəfərlik yerə sahib Abşeron tribunasının tikintisi davam edir. Azneft tribunasının quraşdırılmasına isə iyunun 2-də start veriləcək. Bu zaman Neftçilər prospektinin Azneft dairəsinə düşən hissəsində nəqliyyatın hərəkəti məhdudlaşdırılacaq. Bundan əlavə, Formula 1 Şəhərciyinin yerləşəcəyi dənizkənarı bulvar hissəsində də hazırda tikinti-quraşdırma işləri sürətlə davam etdirilir.

Bakı Şəhər Halqası Əməliyyat Şirkəti göstərdiyi dəstəyə və anlayışa görə şəhər sakinlərinə dərin minnətdarlığını bildirir və hamını dünyanın ən məşhur sürət yarışının paytaxt Bakıya gətirəcəyi yeni bayram əhval-ruhiyyəsini ən yüksək səviyyədə yaşamağa dəvət edir. Bu fürsəti qaçırmaq istəməyən ölkə vətəndaşları təqdim olunan endirimli bilet imkanlarından yararlanmağa tələssinlər.

Əlaqədar

Moskvada “Formula-1” yarışlarının təbliğinə dəstək aksiyası keçirilib
"Formula-1" ilə əlaqədar Neftçilər Xəstəxanasında xüsusi şəraitli palata yaradılıb
“Formula-1” ərəfəsində nəqliyyatın hərəkətinin məhdudlaşdırılacağı günlər bəllidir
Formula 1 yarışının keçiriləcəyi ərazilərdə yeni bankomatlar quraşdırılacaq
Formula 1 üzrə Avropa Qran Prisi üçün yeni bilet satışı məntəqələri açılıb
Formula 1 qalib jurnalistləri mükafatlandırdı
Formula 1: siyasi, iqtisadi və hərbi dividendlər
Teqlər:
gerisayım, Yusif Səfərov küçəsi, Avropa Qran Prisi, Formula 1, Bakı, paytaxt

Əsas mövzular