CƏMİYYƏT
Cəmiyyətin həyatında baş verən aktual hadisələr

Bu rayonlarda vətəndaşlara asan xidmət göstəriləcək

© sputnik.azAsan Xidməti
Asan Xidməti - Sputnik Azərbaycan
Abunə olmaq
Səyyar ASAN may ayı ərzində Gədəbəy, Ağcabədi rayonlarında, həmçinin Qaradağ rayonunun Lökbatan və Abşeron rayonunun Ceyranbatan qəsəbələrində olacaq

BAKI, 2 may — Sputnik. Səyyar ASAN xidmət bu dəfə 2 — 31 mayda Gədəbəy rayonunda, 2 — 29 mayda Ağcabədi şəhərində, 2 — 16 mayda Qaradağ rayonunun Lökbatan qəsəbəsində, 2 — 17 may tarixlərində isə, Abşeron rayonunun Ceyranbatan qəsəbəsində vətəndaşlara səyyar formada xidmət göstərəcək. "ASAN xidmət"in mətbuat xidmətindən Sputnik-ə verilən məlumata görə, səyyar şəkildə göstərilən xidmətlər Azərbaycan Respublikasının Ədliyyə Nazirliyi, Daxili İşlər Nazirliyi, Əmək və Əhalinin Sosial Müdafiəsi Nazirliyi və Əmlak Məsələləri Dövlət Komitəsi tərəfindən təqdim olunur.

Bərdə Asan xidmət - Sputnik Azərbaycan
CƏMİYYƏT
Səyyar ASAN xidmət Zirə qəsəbəsində olacaq

Bu xidmətlərə aşağıdakılar daxildir:
• Notariat fəaliyyəti;
• Vətəndaşlıq vəziyyəti aktlarının dövlət qeydiyyatı;
• Şəxsiyyət vəsiqələrinin verilməsi və dəyişdirilməsi;
• Ümumvətəndaş pasportlarının verilməsi və dəyişdirilməsi;
• Sürücülük vəsiqələrinin dəyişdirilməsi;
• Əmək pensiyalarının təyin edilməsi;
• Mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi;
• Daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi;
• Fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi.

Xatırladaq ki, səyyar ASAN xidmətin həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin ediməsi və vətəndaş məmnunluğuna nail olunmasıdır.

Xəbər lenti
0