CƏMİYYƏT
Cəmiyyətin həyatında baş verən aktual hadisələr

Qəzada ölən neftçilərin ailəsinə 80 min manat kompensasiya ödəniləcək

© korabelNeft yatağında yanğın
Neft yatağında yanğın - Sputnik Azərbaycan
Abunə olmaq
Səlim Müslümov: Bu rəqəm neftçinin əmək haqqından, iş stajından, ailə üzvlərinin sayından asılı olaraq 140 min manata qədər çata bilər.

BAKI, 8 dek-Sputnik. SOCAR-ın "Günəşli" yatağındakı 10-cu dərin dəniz özülündə, o cümlədən "Neft Daşları"nda baş vermiş bədbəxt hadisə dünyasını dəyişən, xəsarət alan neftçilərə ödəniləcək kompensasiyaların həcmi açıqlanıb.

Sputnik-in xəbərinə görə, əmək və əhalinin sosial müdafiə naziri Səlim Müslümov bildirib ki, 3 azyaşlı uşağı, yaşı 30-35 arası olanlara, əmək haqqı 600-650 manat olan dünyasını dəyişən neftçilərin ailələrinə 80 min manat həcmində kompensasiya ödəniləcək: "Təbii ki, bu rəqəm neftçinin əmək haqqından, iş stajından, ailə üzvlərinin sayından asılı olaraq 140 min manata qədər çata bilər. Bütün bunlar "İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında" Qanunla tənzimlənir".

Nazir əlavə edib ki, xəsarət alan neftçilərə əlillik dərəcəsi təyin olunacaq: "Məsələn, təxliyyə olunan neftçilər biri Mərkəzi Neftçilər Xəstəxanasından 5 saylı Şəhər Klinik Xəstəxanasının Yanıq şöbəsinə yerləşdirilib. Məlum olub ki, həmin neftçinin yanıq dərəcəsi 60%-dir. Həmin neftçiyə I dərəcəli əlillik təyin olunacaq".

Müslümovun sözlərinə görə, araşdırmalar zamanı məlum olub ki, 66 neftçinin hər biri (63 nəfər "Günəşli" yatağındakı 10-cu dərin dəniz özülündə, 3 nəfər "Neft Daşları"nda) əmək müqaviləsi ilə işləyib.

Xəbər lenti
0