08:19 14 Dekabr 2017
Canlı yayım
Yol polisi

Polis paytaxt sakinlərinə çağırış etdi

azpress.az
CƏMİYYƏT
Qısa URL
50 0 0

Bakı polisi paytaxtda orta ümumtəhsil məktəblərində keçriləcək "Son zəng"lə əlaqədar olaraq gücləndirilimiz iş rejimində işləyəcək.

BAKI, 26 may — Sputnik. Bakı polisi paytaxtda orta ümumtəhsil məktəblərində keçriləcək "Son zəng"lə əlaqədar olaraq gücləndirilmiş iş rejimində işləyəcək. 

Bu barədə Sputnik-ə Bakı Şəhər Baş Polis İdarəsindən (BŞBPİ) məlumat verilib. 

BŞBPİ-dən bildirlib ki, mayın 29 və 30-da orta məktəblərdə məzun günü “Son zəng”lə bağlı olaraq asayişi qorumaq və hər hansı xoşagəlməz hadisələrin vaxtında baş verməməsi üçün paytaxtdakı bütün orta məktəb binaları və onun ətrafı nəzarətə götürüləcək. Bakı polisi eyni zamanda orta məktəb məzunlarına, şagirdlərə, məktəb müəlllimlərinə, eyni zamanda valideynlərə müraciət edərək şəhərdə asayişi qorumağı tövsiyyə edib. 

Yol polisi də həmin günlər gücləndirilmiş iş rejimində çalışacaq. Bakı şəhər Baş Polis İdarəsi Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov Sputnik-ə açıqlamasında bildirib ki, həmin gün paytaxtın inzibati ərazisindəki küçə və yollara bitişik bütün ümumtəhsil müəssisələri nəzarətə götürülməklə müvafiq təhlükəsizlik tədbirləri həyata keçiriləcək: “Azyaşlıların və yeniyetmələrin qeyri-qanuni olaraq avtomobil idarə etməsinin, eləcə də təhsil müəssisələri ətrafında dayanma-durma qaydalarının pozulmasının qarşısının alınması məqsədilə yol polisinin şəxsi heyəti bu istiqamətlərdə müvafiq tədbirlər görəcək. Ona görə də təhsil ocaqları ətrafındakı küçə və yollarda nəqliyyat sıxlığının yaranmaması üçün yol polisi avtomobil sahiblərindən və sürücülərdən xahiş edir ki, diqqətli olsunlar, şəxsi avtomobillərdən mümkün qədər az istifadə etsinlər".

V. Əsədovun sözlərinə görə, ötən illərin təcrübəsi göstərir ki, həmin gün bəzi şagirdlər qeyri-qanuni olaraq avtomobil idarə edirlər: “Hətta bəzən onların idarə etdiyi avtomobillərlə qəza törətmələri və nəticədə insanların ölməsi və xəsarət alması halları da baş verib. Ona görə də belə xoşagəlməz halların olmaması üçün bir daha əhalini, paytaxt sakinlərini diqqətli olmağa, xüsusilə də avtomobili olan valideynləri övladlarının avtomobili idarə etməsinə yol verməməyə çağırırıq. Əgər onlar övladlarının hər hansı xoşagəlməz  hadisələrlə üzləşməməsini istəyirlərsə bu hala yol verməmlidirlər. Digər tərəfdən baş verən hadisəyə görə avtomobil sahibi özü də məsuliyyət daşıyır".

Təhsil Nazirliyi bildirib ki, bu il Azərbaycanın orta məktəblərində "Son zəng” tədbirləri müvafiq olaraq mayın 29-u və 30-u bilavasitə ümumtəhsil məktəblərində təşkil ediləcək. "Son zəng" tədbirinin tələb edilən səviyyədə təşkilinə bilavasitə ümumtəhsil məktəblərinin rəhbərləri cavabdehdirlər.

Əlaqədar

“Bakı-2015"-də təhlükəsizliyi 24 min polis və əsgər qoruyacaq
Qadını qoruya bilməyən polislər həbs edilib
Teqlər:
asayiş, müraciət, küçə, avtomobil, şəxsi heyət, hadisə, azyaşlılar, yeniyetmələr, şagirdlər, gücləndirilmiş iş rejimi, Son zəng, BŞBPİ, Vaqif Əsədov, Azərbaycan, Bakı

Əsas mövzular