02:14 27 Fevral 2021
Canlı yayım
  • USD1.7000
  • RUB0.0229
  • EUR2.0661
QARABAĞ
Qısa URL
1089 0 0

Qeyd olunur ki, Azərbaycan tərəfinə ötən ilin noyabrın 10-da Rusiya, Ermənistan və Azərbaycan arasında üçtərəfli bəyanat əsasında yardım edilib.

BAKI, 8 fevral — Sputnik. Rusiya sülhməramlıları Azərbaycanın işğaldan azad olunan əraziləri arasında humanitar yüklərin tranzitini təmin etməyə davam edir. Bu barədə Sputnik Azərbaycan Rusiya Müdafiə Nazirliyinin saytına istinadən xəbər verir.

Məlumata əsasən, sosial obyektlər və yaşayış məntəqələrinin enerji və su ilə təminatının bərpası üçün Humanitar Yardım Mərkəzinin KamAZ markalı 20 hərbi avtomobili və onları müşayiət edən 5 avtomobildən ibarət ikinci kolonu Kəlbəcər rayonuna 150 tondan çox tikinti materialı çatdırıb. Kolonunun marşrutu Suqovuşan və Vəng yaşayış məntəqələrindən keçib.

Qeyd olunur ki, Azərbaycan tərəfinə ötən ilin noyabrın 10-da Rusiya, Ermənistan və Azərbaycan arasında üçtərəfli bəyanat əsasında yardım edilib.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılıq əldə olunub.

  • Rusiya sülhməramlıları Kəlbəcərə tikinti materiallarının göndərilməsini təmin ediblər
  • Rusiya sülhməramlıları Kəlbəcərə tikinti materiallarının göndərilməsini təmin ediblər
  • Rusiya sülhməramlıları Kəlbəcərə tikinti materiallarının göndərilməsini təmin ediblər
1 / 3
Rusiya sülhməramlıları Kəlbəcərə tikinti materiallarının göndərilməsini təmin ediblər

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

Əsas mövzular