QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Hərbi əməliyyatlar zamanı Ermənistanın daşınmaz əmlaka vurduğu ziyan məlum olub

Abunə olmaq
Sentyabrın 27-də hərbi əməliyyatlar başlayandan sonra Ermənistan azərbaycanlılara məxsus 300 fərdi yaşayış evini, 75 yardımçı tikilini və 10 çoxmənzilli binanı tamamilə dağıdıb.

BAKI, 17 dekabr - Sputnik. Ermənistanın təcavüzü nəticəsində 8 221 daşınmaz əmlaka ziyan dəydiyi məlum olub.

Bu barədə Sputnik Azərbaycan-a Nazirlər Kabinetindən məlumat verilib. Məlumatda bildirilir ki, sözügedən daşınmaz əmlakdan 300 fərdi yaşayış evi, 75 yardımçı tikili və 10 çoxmənzilli bina tamamilə dağılıb.

222 nəqliyyat vasitəsinə ziyan vurulub, onlardan 21-i tam yararsız vəziyyətdədir. 989 baş mal-qara tələf olub.

Məlumata görə, 6 143 ailəyə ilkin mərhələdə yardım ediləcək.

Prezidentin müvafiq Sərəncamının (14 dekabr 2020-ci il) icrası nəticəsində ilkin mərhələdə evləri dağılmış və qəzalı vəziyyətə düşmüş 258 ailəyə 3.151. 500 manat (hər ailəyə 6 000 manat və hər ailə üzvünə 1500 manat), evlərinə ziyan dəymiş 5 885 ailəyə isə 5 milyon 885 min manat  (hər ailəyə 1000 manat) yardım edilməsi nəzərdə tutulur.

Bərpası və təmiri mümkün olmayan əmlak sahibləri müasir layihələr əsasında tikilmiş yeni tikililərlə təmin olunacaqlar.

Bərpası və təmiri mümkün olan əmlaklar isə dövlət hesabına təmir və bərpa ediləcək. Qeyd edilib ki, ilkin mərhələdəki yardımlar nəqliyyat vasitələrinə görə ödənişləri nəzərdə tutmur.

Xəbər lenti
0