BAKI, 23 noyabr - Sputnik. Azərbaycan Respublikasının Birinci vitse-prezidenti Mehriban Əliyeva rəsmi “Instagram” səhifəsində Ağdamdan görüntülər paylaşıb.
Ağdam istiqamətində pic.twitter.com/9RNGLoHZsf
— Mehriban Aliyeva (@1VicePresident) November 23, 2020
"Azərbaycan bayrağına, Azərbaycan əsgərinə, Azərbaycan xalqına eşq olsun! Dərin hörmət və sevgilərlə, Sizin MEHRİBAN". Bunu Birinci xanım Mehriban Əliyeva Prezident İlham Əliyevlə birlikdə işğaldan azad edilən Ağdam şəhərinə səfəri ilə bağıl paylaşımında yazıb.
Ağdam istiqamətində pic.twitter.com/cVVZgGxh7P
— Mehriban Aliyeva (@1VicePresident) November 23, 2020
Qeyd edək ki, bu gün Prezident İlham Əliyev və Birinci xanım Mehriban Əliyeva işğaldan azad edilmiş Ağdama səfər ediblər.
#Ağdam #QarabağAzərbaycandır pic.twitter.com/M49yMB0iQT
— Mehriban Aliyeva (@1VicePresident) November 23, 2020
Ağdam şəhəri noyabrın 20-də üçtərəfli bəyanatın şərtlərinə əsasən erməni işğalından azad olunub.
#Ağdam #QarabağAzərbaycandır pic.twitter.com/eCL6LcsYQG
— Mehriban Aliyeva (@1VicePresident) November 23, 2020
Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.
#Ağdam #QarabağAzərbaycandır pic.twitter.com/XoigWlmtL0
— Mehriban Aliyeva (@1VicePresident) November 23, 2020
Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılır. 2020-ci il noyabrın 15-də Azərbaycan Respublikasına Kəlbəcər rayonu, dekabrın 1-də Laçın rayonu qaytarılır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.
Azərbaycan bayrağına, Azərbaycan əsgərinə, Azərbaycan xalqına eşq olsun!
— Mehriban Aliyeva (@1VicePresident) November 23, 2020
Dərin hörmət və sevgilərlə, Sizin MEHRİBAN pic.twitter.com/21hYxGqdxD
Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.
