11:54 15 Noyabr 2019
Canlı yayım
  • USD1.7000
  • RUB0.0266
  • EUR1.8744
Elmar Məmmədyarov BMT-nin Baş katibi ilə Dağlıq Qarabağ münaqişəsini müzakirə edib

Elmar Məmmədyarov BMT-nin Baş katibi ilə Dağlıq Qarabağ münaqişəsini müzakirə edib

© Twitter / MFA Azerbaijan
QARABAĞ
Qısa URL
13 0 0

Antonio Quterreş münaqişənin həlli istiqamətində ATƏT-in Minsk Qrupu tərəfindən aparılan fəaliyyətə dəstək verdiyini qeyd edib və BMT-nin sülh prosesinin inkişafına hər zaman töhfə verməyə hazır olduğunu bildirib

BAKI, 27 sentyabr — Sputnik. Azərbaycanın Xarici İşlər naziri Elmar Məmmədyarov sentyabrın 27-də BMT-nin Baş katibi Antonio Quterreş ilə görüşüb.

XİN-dən Sputnik Azərbaycan-a verilən məlumata görə, Baş Katib Azərbaycanda həyata keçirilən daxili islahatları alqışladığını vurğulayaraq, səmimi salamlarının və xoş arzularının Azərbaycan Respublikasının Prezidenti İlham Əliyevə çatdırılmasını xahiş etdi.

Elmar Məmmədyarov BMT-nin Baş katibi ilə Dağlıq Qarabağ münaqişəsini müzakirə edib
Elmar Məmmədyarov BMT-nin Baş katibi ilə Dağlıq Qarabağ münaqişəsini müzakirə edib

E.Məmmədyarov səmimi qəbula görə Baş katibə minnətdarlığını bildirib. O, bu il oktyabrın 25-26-da Bakıda keçiriləcək Qoşulmama Hərəkatının növbəti Zirvə görüşünə istinad edərək Baş katibi bu tədbirdə iştirak etməyə dəvət edib.Nazir Ermənistan-Azərbaycan Dağlıq Qarabağ münaqişəsinin həlli istiqamətində aparılan tənzimləmə prosesinin cari vəziyyəti və ATƏT-in Minsk Qrupunun həmsədrlərinin vasitəçiliyi ilə Nyu-Yorkda iki ölkənin xarici işlər nazirləri arasında keçirilən ən son görüş barədə Baş katibə ətraflı məlumat verib.

Münaqişənin həlli üzrə beynəlxalq ictimaiyyətin mövqeyini, ilk növbədə isə Təhlükəsizlik Şurasının qətnamələrini xatırladan nazir Azərbaycanın işğal edilmiş torpaqlarının boşaldılması və bu ərazilərdən didərgin salınmış yüz minlərlə azərbaycanlı məcburi köçkünlərin öz evlərinə geri qayıtması tələbinin Ermənistan tərəfindən yerinə yetirilməsinin zəruri olduğunu vurğulayıb.

A.Quterreş münaqişənin həlli istiqamətində ATƏT-in Minsk Qrupu tərəfindən aparılan fəaliyyətə dəstək verdiyini qeyd edib və BMT-nin sülh prosesinin inkişafına hər zaman töhfə verməyə hazır olduğunu bildirib.

Görüşdə tərəflər həmçinin BMT-nin gündəliyində duran və qarşılıqlı maraq doğuran digər məsələlər barəsində fikir mübadiləsi aparıblar. Görüşün sonunda nazir BMT-nin Fəxri Qonaqlar Kitabını imzalayıb.

Əlaqədar

Məmmədyarov Minsk Qrupu həmsədrləri ilə görüşür
Gürcüstan-Azərbaycan sərhədinin razılaşdırılmamış hissələri ilə bağlı müzakirə aparılıb
Məmmədyarov çilili həmkarı ilə danışıqlar apardı
Hikmət Hacıyev Nikol Paşinyanın çıxışını şərh etdi
Rəsmi Bakı Parisin qeyri-qanuni "saziş"lərin ləğv olunmasına dair qərarını alqışlayıb

Əsas mövzular