02:22 21 Mart 2019
Canlı yayım
  • USD1.7000
  • RUB0.0264
  • EUR1.9288
Dmitri Savelyev

Rusiyalı deputat: "Xocalı qətliamının soyqırım kimi tanınmasına çalışmalıyıq"

© Sputnik / Murad Orujov
QARABAĞ
Qısa URL
57 0 0

Dmitri Savelyev: "Bu gün dünyada bu dəhşətli cinayətin tanınması üzrə proseslər gedir"

Eldar Tanrıverdiyev, Sputnik Azərbaycan

BAKI, 26 fevral — Sputnik. "Xocalı hadisələrinin, orada baş verən qırğının Rusiyada soyqırım kimi tanınması üzərində çalışmaq lazımdır. Bu faciəni hamımız öz faciəmiz kimi qəbul edirik".

Sputnik Azərbaycan xəbər verir ki, bunu jurnalistlərə açıqlamasında Rusiya Dövlət Dumasının Təhlükəsizlik və Korrupsiyaya Qarşı Mübarizə Komitəsinin sədr müavini Dmitri Savelyev deyib.

"Bu gün dünyada bu dəhşətli cinayətin tanınması üzrə proseslər gedir. Xocalıda törədilənlər dəhşətli vəhşilikdir. Günahsız qocalar, qadınlar, uşaqlar öldürülüb. Uşaqlar ölüb, deməli, həm də onların uşaqları, uşaqlarının uşaqları ölüb. Azərbaycanın gələcəyinin bir qismi ölüb. Bu faciənin tanınması istiqamətində işləməliyik" - Savelyev qeyd edib.

Qeyd edək ki, bu gün Azərbaycanın Xocalı şəhərində törədilmiş soyqırımının 27-ci ili tamam olur. 1992-ci il fevralın 25-dən 26-na keçən gecə erməni hərbi birləşmələri keçmiş SSRİ-nin 366-cı motoatıcı alayının köməyi ilə Xocalı şəhərini işğal edərək, burada yaşayan dinc əhaliyə — azərbaycanlılara qarşı soyqırımı törədib.

Erməni silahlı birləşmələri SSRİ dövründən Xankəndi şəhərində dislokasiya olunmuş 366-cı motoatıcı alayının zirehli texnikası və hərbi heyətinin köməkliyi ilə 1992-ci il fevralın 25-dən 26-na keçən gecə Xocalı şəhərinə hücuma keçiblər. Mühasirəyə alınan şəhərin 2500 sakini xilas olmaq üçün Ağdam istiqamətində hərəkət edib. Lakin pusquda dayanan ermənilər dinc sakinləri gülləbaran ediblər.

İlham Əliyev “Rossiya-24” telekanalının müxbirinə müsahibə verib
© Official web-site of President of Azerbaijan Republic

Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Düşmən gülləsindən 76-sı uşaq olmaqla, 487 nəfər yaralanıb. 1275 nəfər əsir götürülüb. Girov götürülənlərdən 150 nəfərinin, o cümlədən 68 qadın və 26 uşağın taleyi bu günədək məlum deyil.

Xocalı soyqırımının ildönümü hər il Azərbaycan və dünyanın bir çox ölkəsində qeyd olunur. Bu tədbirlərdə ermənilərin Xocalıda törətdiklərini əks etdirən foto-stendlər, sənədli filmlər nümayiş olunur, soyqırımı həqiqətlərini əks etdirən kitablar sərgilənir.

2008-cu ilin mayından İslam Konfransı Təşkilatı Gənclər Forumunun (İKGF) Mədəniyyətlərarası Dialoq üzrə baş koordinatoru Leyla Əliyevanın təşəbbüsü ilə "Xocalıya Ədalət" kampaniyası keçirilir. Kampaniyanın məqsədi beynəlxalq ictimaiyyətin Xocalı faciəsi ilə bağlı məlumatlandırılması, faciəyə beynəlxalq aləmdə mənəvi-siyasi qiymət verilməsi və beynəlxalq səviyyədə anılmasını təmin etməkdir. Kampaniyanın beynəlxalq əlaqələndirilməsi www.justiceforkhojaly.org saytı vasitəsilə aparılır.

Əlaqədar

Türkiyə XİN Xocalı soyqırımı ilə bağlı bəyanat yaydı
Millət vəkili Xocalı faciəsi haqqında: Faciəni tanımaq istəməyən bir dünya var
Xocalı faciəsini dünyaya necə tanıdaq – Tarixçi-ekspert danışır
İlham Əliyev: "Azərbaycan xalqı heç vaxt bu faciəni unutmayacaq"
Teqlər:
xalq, qətliam, soyqırım, Xocalı

Əsas mövzular