16:16 27 May 2019
Canlı yayım
  • USD1.7000
  • RUB0.0264
  • EUR1.9052
Мечеть в оккупированном Арменией азербайджанском городе Шуша, фото из архива

Okeanın o tayında tarixi qətnamə: İşğal altındakı torpaqlar Azərbaycana qaytarılsın

CC BY-SA 2.0 / Adam Jones / Interior of Abandoned Lower Shushi Mosque - Shushi - Nagorno-Karabakh
QARABAĞ
Qısa URL
17182 0 0

İkinci Komitə Azərbaycan xalqı tərəfindən ölkəsinin müdafiəsi üçün həyata keçirdiyi bütün səyləri tam dəstəkləyib

BAKI, 25 dekabr - Sputnik. Kolumbiya parlamentinin Xarici işlər, təhlükəsizlik və milli müdafiə üzrə İkinci Komitəsi Dağlıq Qarabağ münaqişəsinə dair mühüm qətnamə qəbul edib. Azərbaycan Xarici İşlər Nazirliyinin Mətbuat xidmətindən Sputnik Azərbaycan-a verilən məlumata görə, sənəddə Azərbaycanın ədalətli mövqeyinə dəstək ifadə olunub. 

Qətnamə Azərbaycan Respublikasının Boqotadakı Səfirliyinin müvəqqəti işlər vəkili Həmid Zeynalova rəsmi olaraq təqdim edilib. Qətnamədə Kolumbiya Respublikası ilə Azərbaycan Respublikası arasındakı ikitərəfli münasibətlərin vacibliyi vurğulanıb. Ermənistan Respublikasının Azərbaycan Respublikasına qarşı təcavüzü nəticəsində Azərbaycan Respublikasının Dağlıq Qarabağ və digər 7 rayonunun Ermənistanın ölkəmizə qarşı təcavüzü nəticəsində işğalı, habelə Azərbaycan əhalisinin etnik təmizlənməsinə məruz qalmasından Kolumbiya tərəfinin narahatlığı qeyd edərək Ermənistanın bu aqressiyası pislənib. Və dünya ictimaiyyətini bu hadisələrin insanlığa qarşı cinayət kimi qiymətləndirilməsinə çağırıb.

Həmçinin Azərbaycan torpaqlarının indiyədək işğal altında qalması və Ermənistan-Azərbaycan Dağlıq Qarabağ münaqişəsinin indiyədək öz həllini tapmadığına görə Kolumbiya tərəfinin dərin təəssüfü vurğulanıb. Bu münaqişənin dövlətlərin ərazi bütövlüyü və beynəlxalq tanınmış sərhədlərin toxunulmazlığı prinsipləri, həmçinin münaqişə üzrə qəbul olunmuş beynəlxalq hüquqi sənədlərin, o cümlədən BMT Təhlükəsizlik Şurasının məlum qətnamələri əsasında sülh yolu ilə həll edilməsinə çağırıb.

Eyni zamanda qətnamədə Ermənistan silahlı qüvvələrinin işğal edilmiş bütün Azərbaycan ərazisindən qeyd-şərtsiz çıxarılmasını, azərbaycanlı qaçqın və məcburi köçkünlərin dərhal öz doğma torpaqlarına qayıtması üçün şəraitin yaradılmasını tələb edilib.

Sonda sözügedən sənəddə Kolumbiya Respublikası Senatının xarici işlər, təhlükəsizlik və milli müdafiə üzrə İkinci Komitəsi Azərbaycan hökuməti və xalqı tərəfindən ölkəsinin müdafiəsi üçün həyata keçirdiyi bütün səyləri tam dəstəkləyib və fürsətdən istifadə edərək Azərbaycan Respublikasının Kolumbiyadakı səfirliyinin yüksək fəaliyyətini xüsusi vurğulayıb.

Əlaqədar

Rəsmi Moskvanın təmsilçisindən diqqətçəkən Qarabağ bəyanatı: 2019 uğurlu il olacaq
Dağlıq Qarabağın Azərbaycanlı İcması etiraz məktubu göndərib
İlham Əliyev: "Gələn il Qarabağ münaqişəsinin həlli üçün önəmli il ola bilər"
Rusiya səfiri: “Bu il Dağlıq Qarabağ münaqişəsinin həlli istiqamətində nəticəsiz olmayıb”
Teqlər:
Azərbaycan, işğal, Dağlıq Qarabağ münaqişəsi, qətnamə, Kolumbiya

Əsas mövzular