12:57 12 Dekabr 2018
Canlı yayım
  • USD1.7000
  • RUB0.0256
  • EUR1.9254
Azərbaycan Respublikası Müdafiə Nazirliyinin binası

Cəbhədə atəş açıldı, ordumuzun hərbi qulluqçusu yaralandı

© Foto: AR Müdafiə Nazirliyinin mətbuat xidməti
QARABAĞ
Qısa URL
145 0 0

Hərbi qulluqçuya dərhal tibbi yardım göstərilib, həyati təhlükə yoxdur

BAKI, 13 avgust — Sputnik. Ermənistan Respublikası Naxçıvan istiqamətində məqsədyönlü şəkildə vəziyyəti gərginləşdirməyə davam edir. Bu barədə Sputnik Azərbaycan-a Müdafiə Nazirliyinin mətbuat xidmətindən məlumat verilib.

Nazirlikdən bildirilib ki, avqustun 12-də Azərbaycan-Ermənistan dövlət sərhədinin Naxçıvan Muxtar Respublikası istiqamətində düşmən tərəfindən atəşkəs rejiminin kobud şəkildə pozulması nəticəsində Azərbaycan Ordusunun hərbi qulluqçusu İsrəfilov Samit Ədalət oğlu yaralanıb. Hərbi qulluqçuya dərhal tibbi yardım göstərilib, həyati təhlükə yoxdur.

Müdafiə Nazirliyi bildirir ki, Azərbaycan-Ermənistan dövlət sərhədində baş verənlərə görə məsuliyyət tam şəkildə Ermənistan hərbi-siyasi rəhbərliyinin üzərinə düşür.

Azərbaycan Ordusunun bölmələri dövlət sərhədində əməliyyat şəraitinə tam nəzarət edir.

Teqlər:
yaralanma, hərbi qulluqçu, atəşkəs rejimi, Naxçıvan, erməni

Əsas mövzular