QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Sabiq prezidentlər İlham Əliyevə məktub yazdılar

© Official website of President of Azerbaijan RepublicAzərbaycan prezidenti İlham Əliyev Respublika Günü münasibətilə keçirilən rəsmi qəbulda
Azərbaycan prezidenti İlham Əliyev Respublika Günü münasibətilə keçirilən rəsmi qəbulda - Sputnik Azərbaycan
Abunə olmaq
İki yaşlı Zəhranın və onun nənəsinin ölümü ilə bağlı dünyanın hər yerindən etirazlar eşidilməkdədir.

BAKI, 7 iyun — Sputnik. İyunun 4-də Ermənistan silahlı birləşmələri tərəfindən iki yaşlı Zəhranın və onun nənəsinin ölümü ilə bağlı dünyanın hər yerindən etirazlar eşidilməkdədir. Ermənistanın bu qəddar davranışı hər kəs tərəfindən qətiyyətlə pislənir və Azərbaycan rəhbərliyinə başsağlığı məktubları gəlməkdədir.

Nizami Gəncəvi Beynəlxalq Mərkəzinin həmsədrləri və İdarə Heyətinin üzvləri Azərbaycan Respublikasının Prezidenti İlham Əliyevə baş vermiş hadisə ilə əlaqədar məktub ünvanlarıb.

Военные атташе зарубежных государства и официальные лица Азербайджана в селе Алханлы - Sputnik Azərbaycan
QARABAĞ
Xarici attaşe və jurnalistlər Zəhranın öldürüldüyü yerdə olublar

Məktubda deyilir: "Əziz cənab Prezident.

Son günlər cəbhə bölgəsində dinc insanların həlak olması ilə nəticələnən hadisə bir daha göstərdi ki, Dağlıq Qarabağ münaqişəsi dondurulmuş münaqişə deyil. Həmin hadisə zamanı Azərbaycanın dinc sakinlərinin həlak olmaları ilə əlaqədar Nizami Gəncəvi Beynəlxalq Mərkəzi adından bizim dərin hüznlə başsağlığımızı qəbul edin.

Biz 1994-cü ildən əldə edilmiş atəşkəsin tez-tez pozulması ilə əlaqədar narahatlığımızı bildirməklə beynəlxalq ictimaiyyətin çağırışlarına qoşulur və münaqişənin sülh yolu ilə nizama salınmasının vacibliyini vurğulayırıq. Bütün regionun təhlükəsizliyinə təhdid olan münaqişəni üçüncü tərəflərin qızışdırmaq cəhdlərinin yolverilməz olduğunu qeyd etməyi özümüzə borc bilirik.

Bütün diplomatik kanallardan, eləcə də ATƏT-in və Minsk qrupunun üzvlərinin imkanlarından istifadə etməklə, atəşkəsin bir daha pozulmasına yol verməməyə çağırır və bildiririk ki, Azərbaycanın ərazi bütövlüyünün bərpa olunması və gələcək hücumların qarşısının alınması üçün beynəlxalq birliyin ciddi tədbirlər görməsinin vaxtı çatıb.

Azərbaycan Respublikasının Prezidenti İlham Əliyev - Sputnik Azərbaycan
İlham Əliyev: "Dünya ictimaiyyəti günahsız insanların öldürülməsinə göz yummamalıdır"

Bizi ciddi narahat edən odur ki, Azərbaycanın ərazi bütövlüyünün bərpa olunması və Dağlıq Qarabağ münaqişəsinin sülh yolu ilə birdəfəlik həlli hələ də reallaşmayıb. Biz Azərbaycana münasibətdə beynəlxalq hüququn ciddi şəkildə pozulmasına baxmayaraq, Sizdən qəsdən törədilən və münaqişənin təhlükəli şəkildə genişlənməsi üçün bəhanə olaraq istifadə edilə bilən təxribatlarla bağlı təmkinli olmağı xahiş edirik.

Cənab Prezident, xahiş edirik, bizim ən dərin hörmətimizi və ehtiramımızı qəbul edin".

Məktubu Nizami Gəncəvi Beynəlxalq Mərkəzinin həmsədri,
1999-2007-ci illərdə Latviya Respublikasının Prezidenti Vayra Vike-Freyberqa, Nizami Gəncəvi Beynəlxalq Mərkəzinin həmsədri, Misirin İsgəndəriyyə kitabxanasının direktoru İsmail Serageldin, Nizami Gəncəvi Beynəlxalq Mərkəzinin İdarə Heyətinin üzvləri — 2001-2002-ci illərdə Bosniya və Herseqovinanın sabiq Baş naziri Zlatko Laqumdziya, 1997-2002-ci illərdə Bolqarıstan Respublikasının Prezidenti Peter Stoyanov, 1996-2000-ci illərdə Rumıniyanın Prezidenti Emil Konstantinesku, 2010-2015-ci illərdə Xorvatiya Respublikasının Prezidenti İvo Yosipoviç, 2004-2012-ci illərdə Serbiyanın Prezidenti Boris Tadiç imzalayıb.

Xəbər lenti
0