QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Erməni təxribatı nəticəsində həlak olan həmvətənlərimiz bu gün dəfn olunur

© Sputnik / Murad OrujovФизулинский район Азербайджанской Республики
Физулинский район Азербайджанской Республики - Sputnik Azərbaycan
Abunə olmaq
"Düşmən nə qədər təxribata əl atsa da, biz doğma yurdumuzu heç vaxt tərk etməyəcəyik"

Ramil İbrahimov Sputnik Azərbaycan

BAKI, 5 iyul — Sputnik. Ermənistan silahlı birləşmələrinin ötən gün Füzuli rayonunun Alxanlı kəndini artilleriya silahlarından atəşə tutması nəticəsində ölən kənd sakinləri, 51 yaşlı Sahibə Quliyeva və 2 yaşlı nəvəsi Zəhra Qulyevanın nəşləri rayonun Zobcuq-5 qəsəbəsinə gətirilib.

© Photo : Quliyevlər ailəsinin arxiviSahibə Quliyeva 2 yaşlı nəvəsi Zəhra ilə
Sahibə Quliyeva 2 yaşlı nəvəsi Zəhra ilə - Sputnik Azərbaycan
Sahibə Quliyeva 2 yaşlı nəvəsi Zəhra ilə

Sputnik Azərbaycan-ın bölgə müxbirinin Füzuli Rayon İcra Hakimiyyətinin rəsmilərindən əldə etdiyi məlumata görə, yas mərasimi qəsəbədə baş tutacaq. Bu, mərasimə gələn insanların təhlükəsizliyinin təmin edilməsi ilə əlaqələndirilir.

© Sputnik / Ramil IbrahimovYas mərasimi
Yas mərasimi - Sputnik Azərbaycan
Yas mərasimi

Mərminin partlaması nəticəsində qəlpə yarası alan, 52 yaşlı Sərfinaz Quliyeva isə hərbi hospitala yerləşdirilib. Həyati təhlükəsi qalmaqdadır.

© Sputnik / Ramil IbrahimovAlxanlı kənd icra nümayəndəsi İlham İsrafilov
Alxanlı kənd icra nümayəndəsi İlham İsrafilov  - Sputnik Azərbaycan
Alxanlı kənd icra nümayəndəsi İlham İsrafilov

"Dinc əhalinin atəşə tutulması və aralarında azyaşlı da olmaqla, mülki şəxslərin qətlə yetirilməsi, əslində Ermənistan dövlətinin terrorçu mahiyyətinin sübutudur. Onlar nə qədər təxribata əl atsalar da, bizlər doğma yurdumuzu heç vaxt tərk etməyəcəyik" — deyə kənd icra nümayəndəsi İlham İsrafilov Sputnik Azərbaycan-a bildirib. 

Qeyd edək ki, dünən axşam saatlarında kəndi atəşə tutan düşmən, Azərbaycan Ordusunun cavab zərbələrindən sonra atəşi dayandırıb. Kənd icra nümayəndəsi İlham İsrafilovun sözlərinə görə, Ermənistan tərəfi nə qədər əhalini qorxutmağa çalışsa da, ordusuna güvənən kənd sakinləri heç vaxt doğma yurdunu tərk etməyəcək.

Xəbər lenti
0