BAKI, 8 iyul-Sputnik. Polşada işgüzar səfərdə olan Azərbaycan Respublikasının Prezidenti İlham Əliyev iyulun 8-də ATƏT-in Minsk qrupunun həmsədrləri Ceyms Uorlik, İqor Popov, Pyer Andryö və ATƏT-in hazırkı sədrinin xüsusi nümayəndəsi Anji Kaspşik ilə görüşüb.
Sputnik-in məlumatına görə, görüşdə Ermənistan-Azərbaycan, Dağlıq Qarabağ münaqişəsinin həlli ilə bağlı fikir mübadiləsi aparılıb.
Qeyd edək ki, İlham Əliyev NATO sammitində iştirak etmək üçün Polşaya gedib.
NATO baş katibi Yens Stoltenberq media nümayəndələrinin suallarını cavablandırarkən deyib ki, NATO-nun yekun kommunikesində Dağlıq Qarabağ məsələsi də qeyd ediləcək:
"Mesaj odur ki, bütün tərəfləri gərginliyi azaltmağa, zorakılıqdan çəkinməyə, münaqişənin sülh yolu ilə həllinə nail olmağa çağırırıq. Münaqişəsnin sülh yolu ilə həlli istiqamətində atılan bütün addımları dəstəkləyirik."
