16:32 02 İyul 2020
Canlı yayım
  • USD1.7000
  • RUB0.0274
  • EUR1.9035
İnfoqrafika: Müxtəlif ölkələrdə yaşayış binalarının qiymətləri
© Sputnik / Elnur Salayev

Koronavirus pandemiyası daşınmaz əmlak bazarında müştərilərin çoxillik meyllərini dəyişməyi bacarıb. Amma ən bahalı sahələr hələ də Avropa, Avstraliya və ABŞ-dadır.

 

Aylıq mənzil kirayələmək oteldə gündəlik otaq kirayələməkdən sərfəlidir. İş və ya təhsil yerinin yaxınlığında mənzil kirayə etmək isə daha praktikdir. Bir çox ölkələrdə isə mənzili çoxillik icarəyə götürmək onu almaqdan əlverişli sayılır. Çünki borca girib mənzil almaq baha başa gəlir, onun illik vergiləri də böyük həcmdədir.

Məsələn, açıq mənbələrin məlumatına görə, sahəsi 50 kvadratmetrə yaxın olan kiçik bir mənzili icarəyə götürmək İsveçrədə orta hesabla 1500 ABŞ dollarına, Avstraliyada və Böyük Britaniyada bundan bir qədər aşağı qiymətə, Şərqi Avropa ölkələrinin şəhərlərində isə 700-900 dollara başa gələcək. Azərbaycanda isə ikiotaqlı mənzili kirayələmək orta hesabla 280 dollara başa gəlir.

Koronavirus pandemiyası həyatın bu sahəsinə də müəyyən düzəlişlər edib. Ümumi özünütəcridin fonunda mənzillərə olan tələb və qiymətlər dəyişib. Əgər əvvəllər insanlar vaxta və pula qənaət etmək üçün iş və təhsil yerlərinə yaxın ərazilərdə mənzil kirayələməyə üstünlük verirdilərsə, indi karantin dövrünü daha rahat şəraitdə ailəsi ilə birlikdə keçirmək üçün mənzərəli bir ərazidə həyətyanı sahəsi olan evlərə üstünlük verirlər.

Belə əhval-ruhiyyə şəhərkənarı evlərin nisbi bahalaşması fonunda şəhərin mərkəzindəki evlərin qiymətlərinin düşməsinə gətirib çıxarıb. 

Dünyada baş verən ümumi tendensiya Azərbaycandan da yan keçə bilməzdi. Xüsusilə, kirayə qiymətlərinin kəskin bahalaşması Bakı ətrafındakı evlərin qiymətlərində hiss olunur. Şəhər əhalisi karantinlə əlaqədar bölgələrə getmək imkanı olmadığından, ailəsi ilə daha təhlükəsiz yerlərə getmək, açıq havada istirahət etmək üçün optimal variantlar axtarırlar. Ekspertlərin qiymətləndirməsinə görə, son aylardakı karantin dövründə paytaxtın sahilyanı qəsəbələrində mənzillərin dəyəri 2,7% artıb.

Dünyanın ən bahalı şəhər və küçələrində evlərin bir kvadratmetrinin və icarə haqlarının məbləği barədə daha ətraflı məlumatı Sputnik Azərbaycan-ın hazırladığı infoqrafikadan əldə edə bilərsiniz.

Digər infoqrafikalar

  • İnfoqrafka: Məhsulların qiymətləri
    Last update: 11:05 26.06.2020
    11:05 26.06.2020

    Bakı bazarlarında ərzağın qiyməti əl yandırır

    Bakının supermarket və bazarlarında ərzaq məhsullarının qiymətləri ilə bağlı Sputnik Azərbaycan-ın hazırladığı infoqrafikadan daha ətraflı məlumat əldə edə bilərsiniz.

    86
  • Azərbaycanın dövlət qulluqçuları
    Last update: 15:06 23.06.2020
    15:06 23.06.2020

    Azərbaycanın dövlət qulluqçuları: yaşı, cinsi və stajı

    Son iki onillikdə dövlət qulluğu ilə məşğul olan şəxslərin sayı 30 min nəfərə qədər artıb ki, bunun da təxminən 70% - ni kişilər təşkil edir.

    754
  • Cəbiş müəllim: Amaliya Pənahova -75
    Last update: 11:00 19.06.2020
    11:00 19.06.2020

    Cəbiş müəllim stereotipləri qıran Amaliya Pənahova haqda

    Ömür vəfa etsəydi, Amaliya Pənahova bu il 75 illiyini qeyd edəcəkdi. Təəssüf ki, ağır xəstəlik nə gözəlliyinə, nə şəxsiyyətinə rəhm etdi. Ancaq sənəti qəlblərdə hələ uzun illər yaşayacaq

    285
  • İnfoqrafika: Azərbaycanda yol-nəqliyyat hadisələrinin statistikası
    Last update: 11:00 09.06.2020
    11:00 09.06.2020

    Dəmir qatillər hər il ölkəmizdə yüzlərlə can alır

    2020-ci ilin birinci rübü ərzində respublika ərazisində baş verən yol-nəqliyyat hadisələrində xəsarət alan və həlak olanların sayı bir il əvvəlkinə nisbətən 15,5% çox olub

    647

Əsas mövzular