Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Avstraliyadakı səfirliyimizə qarşı vandalizm aktı törədilib - FOTO

© Sputnik / Ilham MustafayevGəncədə yerləşən Xalq Cümhuriyyəti Muzeyi
Gəncədə yerləşən Xalq Cümhuriyyəti Muzeyi - Sputnik Azərbaycan
Abunə olmaq
R.Qurbanov vurğulayıb ki, təxribatçılar sonradan öz hiyləgər və barbar "şücaətlərini" sosial media hesablarında paylaşmış və öz həmmillətlərini Azərbaycan səfirliyinə qarşı təxribatçı əməllərə təşviq etmiş,

BAKI, 20 iyul — Sputnik. Avstraliyada yaşayan ermənilər tərəfindən Azərbaycanın bu ölkədəki səfirliyinə qarşı vandalizm aktı törədilib.

Sputnik Azərbaycan AZƏRTAC-a istinadən xəbər verir ki, iyulun 18-də yerli vaxtla səhər 6:50 radələrində bir qrup naməlum şəxs qanunsuz olaraq səfirliyin inzibati binasının ərazisinə daxil olaraq, təxribatçı əməllərə yol verib. Sonradan bu əməllərin "Erməni Gənclər Federasiyası"nın üzvləri tərəfindən törədildiyi üzə çıxıb. Səfirlikdə yaşayan insanların yatmasından istifadə edən qorxaq ermənilər sübh vaxtlarında səfirliyin inzibati ərazisinə daxil olaraq, böhtan və yalan xarakterli bannerlərini yerləşdiriblər.

© Photo : AZƏRTACHadisə yerində
Avstraliyadakı səfirliyimizə qarşı vandalizm aktı törədilib - FOTO - Sputnik Azərbaycan
Hadisə yerində

Azərbaycanın Avstraliyadakı müvəqqəti işlər vəkili Ramil Qurbanov AZƏRTAC-ın xüsusi müxbirinə bildirib ki, təxribatçılar məhz Azərbaycanın xaricdəki diplomatik missiyalarına qarşı son zamanlar ermənilərin hazırladığı təxribatların qarşısının Azərbaycan diasporu tərəfindən qətiyyətlə alındığını nəzərə alaraq, qorxaqcasına sübh saatlarında bu vandal əməli həyata keçirərək qaçıblar.

R.Qurbanov vurğulayıb ki, təxribatçılar sonradan öz hiyləgər və barbar "şücaətlərini" sosial media hesablarında paylaşmış və öz həmmillətlərini Azərbaycan səfirliyinə qarşı təxribatçı əməllərə təşviq etmiş, hətta bəziləri səfirliyin binasını yandırmağa belə çağırmaqdan çəkinməyiblər.

Qeyd olunan təxribatçı əməl barədə Avstraliyanın əlaqədar qurumlarına dərhal məlumat verilib və hazırda hadisə ilə bağlı Avstraliya Federal Polisi tərəfindən araşdırma aparılır.

Xəbər lenti
0