CƏMİYYƏT
Cəmiyyətin həyatında baş verən aktual hadisələr

Sədr zibilin bəlasına düşdü

© Sputnik / Irade JELILGünəşlidə məişət tullantıları atılan ərazi
Günəşlidə məişət tullantıları atılan ərazi - Sputnik Azərbaycan
Abunə olmaq
Qobu bələdiyyəsinin sədri Araz Nəcəfov barəsində protokol tərtib olunub və o, inzibati qaydada 3500 manat məbləğində cərimə edilib.

BAKI, 2 aprel — Sputnik. Ekologiya və Təbii Sərvətlər Nazirliyinə Abşeron rayonu, Qobu qəsəbəsi ərazisində məişət tullantılarının qalaqlanması və ətrafa iy-qoxunun yayılması ilə bağlı daxil olan şikayət Nazirliyin əməkdaşları tərəfindən yerində araşdırılıb.

Sputnik Azərbaycan Nazirliyin məlumatına istinadla xəbər verir ki, əraziyə keçirilən baxış zamanı məişət tullantılarının qeyri-mütəşəkkil atıldığı və qanunvericiliyə uyğun idarə edilmədiyi məlum olub.

Faktla bağlı ərazidə tullantıların idarə olunmasına cavabdeh Qobu bələdiyyəsinin sədri Araz Nəcəfov barəsində protokol tərtib olunub və o, inzibati qaydada 3500 manat məbləğində cərimə edilib.

Ərazinin qısa vaxt ərzində tullantılardan təmizlənməsi, qanunvericiliyə uyğun idarə olunması və gələcəkdə belə hallara yol verilməməsi məqsədilə bələdiyyə sədrinə icrası məcburi olan müddətli "məcburi göstəriş" verilib.

Xəbər lenti
0