Leyla Abdullayeva, Sputnik Azərbaycan
BAKI, 6 mart — Sputnik. Bakı-Quba yolunda dəhşətli qəza olub.
Sputnik Azərbaycan bildirir ki, hadisə ötən gecə 02 radələrində Siyəzən rayonunun Yenikənd ərazisindən keçən hissəsində olub. Qəzada 3 nəfər dünyasını dəyişib.
1982-ci il təvəllüdlü Elxan Şövkət oğlu Əhmədovun idarə etdiyi "Tofaş" markalı avtomobillə "KamAZ" yük maşını toqquşub. Toqquşma nəticəsində minik maşınının sürücüsü E.Əhmədov, həmyerliləri - 1994-cü il təvəllüdlü Şamo Əliyev və 1991-ci il təvəllüdlü Turan Əsgərov yerindəcə ölüblər.
Hadisə onlar Xaçmazdan qayıdan zaman baş verib.
