Şahpəri Abbasova, Sputnik Azərbaycan
BAKI, 20 fevral — Sputnik. Zaqatalada yanğın olub. Hadisə bu gün səhər saatlarında Zaqatala şəhəri, F.Əmirov küçəsində baş verib. Sputnik Azərbaycan-ın məlumatına görə, ikimərtəbəli çoxmənzilli yaşayış binasının zirzəmisində meydana gələn yanğının söndürülməsinə Fövqəladə Hallar Nazirliyinin Zaqatala rayon Dövlət Yanğından Mühafizə Hissəsinin iki yanğınsöndürən maşını və şəxsi heyətləri cəlb edilib. Yanğın qısa müddət ərzində söndürülüb. Hadisə zamanı xəsarət alan olmayıb. Faktla bağlı araşdırma aparılır.
Qeyd edək ki, bu, son həftə ərazində Zaqatalada yaşayış binasında baş verən ikinci yanğın hadisəsidir. Belə ki, fevralın 14-də Zaqatala şəhəri C.Cabbarlı küçəsindəki beşmərtəbəli yaşayış binasının zirzəmisində də yanğın baş verib.
