CƏMİYYƏT
Cəmiyyətin həyatında baş verən aktual hadisələr

"Unutqanlıq" Bakı "kovboy"larına baha oturdu

© AR Ministry of Internal AffairsSaxlanılan şəxslərdən götürülən tapança
Saxlanılan şəxslərdən götürülən tapança - Sputnik Azərbaycan
Abunə olmaq
Hər iki şəxs barəsində məhkəmənin qərarı ilə həbs qətimkan tədbiri seçilib, istintaq tədbirləri davam etdirilir

BAKI, 27 yanvar — Sputnik. Baş Mütəşəkkil Cinayətkarlıqla Mübarizə İdarəsinin əməkdaşları tərəfindən əllərdə qanunsuz saxlanılan odlu silah-sursatın aşkar edilməsi istiqamətində növbəti əməliyyat tədbirləri həyata keçirilib.

Sputnik Azərbaycan Daxili İşlər Nazirliyinin məlumatına istinadla xəbər verir ki, belə ki, Baş İdarəyə Nicat adlı şəxsin üzərində qanunsuz olaraq silah gəzdirməsi barədə əməliyyat məlumatı daxil olub. Keçirilən təxirəsalınmaz əməliyyat nəticəsində həmin şəxs, paytaxt sakini Nicat Nəsirov tutularaq istintaqa təqdim edilib. Onun idarə etdiyi "Daewoo Gentra" markalı avtomobilə baxış zamanı sandıqçasında 6 ədəd patron olan 1 ədəd "Steçkin" markalı tapança və 1 ədəd pnevmatik tapança aşkar olunaraq götürülüb.

© AR Ministry of Internal AffairsNicat Nəsirov
Unutqanlıq Bakı kovboylarına baha oturdu - Sputnik Azərbaycan
Nicat Nəsirov

Baş İdarə əməkdaşlarının keçirdikləri növbəti əməliyyat zamanı Xəzər rayonu Türkan qəsəbəsində, əvvəllər məhkum olunmuş Samir Mayılov tutulub. Onun üzərində şəxsi axtarış aparılan zaman 1 ədəd "Makarov" markalı tapança və 1 ədəd patron aşkar olunaraq götürülüb. Saxlanılan şəxslər ifadələrində odlu silah-sursatın onlara məxsus olduğunu və polisə könüllü təhvil vermək əvəzinə üzərlərində gəzdirdiklərini etiraf ediblər.

© AR Ministry of Internal AffairsSamir Mayılov
Unutqanlıq Bakı kovboylarına baha oturdu - Sputnik Azərbaycan
Samir Mayılov

Faktla bağlı Nicat Nəsirov və Samir Mayılov barəsində Baş İdarədə Cinayət Məcəlləsinin müvafiq maddələri ilə cinayət işi başlanılıb. Hər iki şəxs barəsində məhkəmənin qərarı ilə həbs qətimkan tədbiri seçilib, istintaq tədbirləri davam etdirilir.

Xəbər lenti
0