BAKI, 1 dekabr – Sputnik. Bakıda 20 yaşlı bəy toy mərasimində ağır xəsarət alıb
Sputnik Azərbaycan "Report"a istinadla xəbər verir ki, hadisə Suraxanı rayonunda baş verib.
Qaraçuxur qəsəbəsində yerləşən "Yağmur" şadlıq sarayında toy mərasimi keçirilən 1999-cu il təvəllüdlü Məmmədov Taleh Bəxtiyar oğlu sərxoş vəziyyətdə restoranın şüşəsini yumruğu ilə sındırıb. Nəticədə o, sağ əlinə ciddi xəsarət yetirib.
Yaralı təcili yardımın köməyi ilə xəstəxanaya çatdırılıb. Müayinə zamanı onun sağ biləyin kəsilmiş-cırılmış yaraları aşkarlanıb.
Faktla bağlı araşdırma aparılır.
